STENBOL- Hazîne Alçiye 24 serrî yo tepişte ya û bi protezî ciwîyena. Serdozgerîya Komare ya Bakirkoyî aye rê raporê ‘hetê weşîye de merdim de şuxulnayîşê asansorî ferz o’ da û dimayê nê cewabî bi lezkî surgunê zîndanê Gebze ameye kerdiş. Nivînê aye yê ortopedîk zî badê di aşman bi 750 lîreyî resnayî Hazîneye. Yewine waştişê Hazîneye dermankerdiş o. 

 

Hazîne Alçi qezaya Hezexî ya Şirnexî ra ya û dewaya PKKyî ra ameya tepiştiş. Hazîneye serra 1999î de wexto ke hema 25 serrî bî Armenîstan de teslîmê Tirkîya ameye kerdiş. Goreyê dayeyê ÎHDyî Hazîne tepişteyê nêweşe yê girane ra yew a. Hazîneya ke 50 serrî ya prosesê tepiştişî de bi xeylê binpaykerdişan reyde rî bi rî menda.

 

Hazîneye zîndanê Cinîyan yê Bakirkoyî ra surgunê zîndanê Gebze ameye kerdiş. Hazîneya ke bi çekî birîndar bîbî û çaqeyê aye de xisar virazîyabî. Çongê aye ra heta kulîmekê aye parçe bî û platîn tede ame bicakerdiş. Coka ra zî Hazîneye do her tim pê platînî biciwîya. Hazîneye 18 serrî yo bi platînî hewl dana payan ser de bimana. Aşma Teşrîna Verêne ya 2009î de Nêweşxaneyê Cigêrayîşî yê Samatyaye de protezê aye ame bedilnayîş.

 

Keye vatbî ke Hazîneye aşma Nîsane de bê bahane surgunê zîndanê cinîyan ya Gebze ameye kerdiş û surgunkerdişê aye ra ver zî ATK rapor hadre kerdo. Keyeyê Hazîneye wina vatbî: “Rapor de yeno vatiş ke Hazîneye şertê zîndanî de manena la ganî cayo ke asansor tede bibo de ca biba, nêeşkena derenceyan ra bianca cor. Reyna rapor de yeno vatiş ke ganî bilez bêra amelîyatkerdiş. La Dozgerîya Bakirkoyî û îdareyê zîndanî rapor girewtî rapor nika destê înan de yo. Hazîneye vat ke nivîn çin o û raşteyê hempar de rakewena. Di hewte verê cû bi wesîleya 19ê Gulane roja sêşeme ma pêvînayîşê akerde pê ard. Nivîno ke ma taybet girewtbî nêberdî uca. Ekse ci pere waştî. Ma 750 lîre pereye kargoyî şirawit. La hema zî nêerşawitî. Coka ra nika mutbax de rakewena.”

 

5 serrî yo plantîn nîno bedilnayîş

 

Keyeyê Hazîneye wina dewam kerd: “Werdê zîndanan nîno werdiş. Hazîneye vat ke kantîn ra zeytun û penîr herînenê. Mehkema waştişê amelîyatî red kerd. Pandemîye de doktor nêewnîyayêne rîyê înan. Rewşa Hazîneye baş nîya. Vîdeyê platînê aye sîst bîyî û 5 serrî yo ke ganî biameyêne amelîyatkerdiş. Bi no hawa têkoşînê cuye dana. Waştişê Hazîneye no yo ke bi lez bêra dermankerdiş. Eke huqûq û demokrasî bibayêne do Hazîneye serbest biameyêne verdayîş. La seba ke ma kurd ê no meşru yeno dîyîş.” 

 

Raporê 'eşkena tepişte bimana’ 

 

Aşma Teşrîna Verêne ya 2009î de Nêweşxaneyê Cigêrayîşî yê Samatyaye de protez ame bedilnayîş. Hazîneye dîyar kerd ke no protez maneno îskeleyê înşaatî û her çar hetê protezî bismar esto. Hazîneye ganî goreyê raybazan bêra kontrolkerdiş. La çi heyfo ke her tim yena astengkerdiş. Heto bîn de Dezgehê Tibê Edlî zî seba Hazîneye raporê eşkena tepişte bimana da.

 

Pê gopalî payan ser de manena 

 

Hazîneye 10ê Çeleyê 2022yî de bi rayîrê avûkatanê xo mesajêk şirawit ajansê ma rê û vat: “Kalîteya protezî hende xirabo ke tede bismar, têl û her çî esto. Çi heyfo ke şertan vera dermankerdişê mi zî nîno kerdiş. Nêweşxaneyo ke mi amelîyat kerd vat ke ma nêeşkenê to amelîyat bikerê, ti do mase ser de bimana. Yanî beno ke merg bibo, vatî ti do êdî nêra xo ser. Coka ra di gopalan şuxulnena. Vera raporê eşkena tepişte bimana da mi.” 

 

Cuya aye zehmet keno 

 

Hazîneye prosesê pandemîye de seba ke 14 roje hucre de menda nêşîya nêweşxane. Hazîneye dîyar kerd ke seba ke odeye de tuvalete alaturka esto xeylê zehmetîyê weşîye ciwîyena. 

 

Cezaya hucreyî! 

 

Keyeyê Hazîneye aşma Çele de şibi pêvînayîş û Hazîne mesajêk ajansê ma rê şirawit. Keyeyî dîyar kerd ke Hazîne ne yena dermankerdiş ne zî benê nêweşxane. Keye wina vat: “Dejbêrnayîşêk zî nêdanê. Dejê aye estê. Bi gopale rayîr ra şina. Pêwa her çî têkoşînê cuye dana. Seba Hazîne vata, ‘bi weşîya mi reyde eleqedar nêbenê’ hewteyêk cezaya hucre dayî.”

 

Têkoşînê aye dewam keno 

 

Keyeyî vat, ganî platînê Hazîne bivuryo û pêwa pêro çîyî Hazîne bi morelêk pîl têkoşîn kena û seba Hazîne sewqê Nêweşxaneyê Cigêrayîşî yê Hasekî bêra kerdiş, waştişname dadgehe rê nuştê û wina vatî: “Seba Hazîne bêra veradayîş û dermankerdişê aye bêro kerdiş, ma waştişname nuşt. La qebûl nêkerdî. Werdê zîndanan xeylêk xirab ê. Weş wey nêbenê. Porsiyonê înan qij ê. Kantîn ra penîr û zeytunan gênê. Ma Hazîne rê terlêkê ortopedîk girewtî la înan zî qebûl nêkerdî. Her çî kantîn ra gênê.”

 

Hazîneye bi hemkarîya keyeyî waştişanê xo vat û dîyar kerdî ke ganî lezabez bêra dermankerdiş û no tecrîd peynî bibo.

 

Cezaya hucreyî! 

 

Keyeyê Hazîneye aşma Çele de şibi pêvînayîş û Hazîne mesajêk ajansê ma rê şirawit. Keyeyî dîyar kerd ke Hazîne ne yena dermankerdiş ne zî benê nêweşxane. Keye wina vat: “Dejbêrnayîşêk zî nêdanê. Dejê aye estê. Bi gopale rayîr ra şina. Pêwa her çî têkoşînê cuye dana. Seba Hazîne vata, ‘bi weşîya mi reyde eleqedar nêbenê’ hewteyêk cezaya hucre dayî.”

 

Têkoşînê aye dewam keno 

 

Keyeyî vat, ganî platînê Hazîne bivuryo û pêwa pêro çîyî Hazîne bi morelêk pîl têkoşîn kena û seba Hazîne sewqê Nêweşxaneyê Cigêrayîşî yê Hasekî bêra kerdiş, waştişname dadgehe rê nuştê û wina vatî: “Seba Hazîne bêra veradayîş û dermankerdişê aye bêro kerdiş, ma waştişname nuşt. La qebûl nêkerdî. Werdê zîndanan xeylêk xirab ê. Weş wey nêbenê. Porsiyonê înan qij ê. Kantîn ra penîr û zeytunan gênê. Ma Hazîne rê terlêkê ortopedîk girewtî la înan zî qebûl nêkerdî. Her çî kantîn ra gênê.”

 

Hazîneye bi hemkarîya keyeyî waştişanê xo vat û dîyar kerdî ke ganî lezabez bêra dermankerdiş û no tecrîd peynî bibo.