RIHA - Çalakîya "Nobeta Edaletî' ya keyeyê Şenyaşarî 824 rojî yo dewam kena, çalakîya ewro de nê vengdayîş ame kerdiş: "Xoverdayîşê bi israr ê dayîke do edalet bîyaro nê welatî." 

 

Qezaya Pirsûsî ya Rihayî de 14ê Hezîrana 2018ine de merdim û pawitoxê parlamenterê AKPyî yê verê Îbrahîm Halîl Yildizî di laj û mêrdeyê Emîne Şenyaşar qetil kerdibî. Hemverê nê Emîne û lajê xo Ferît Şenyaşar ke hedîse ra bi birîndarî xelisya, 9ê Adara 2021ine de verê Edlîyeyê Rihayî Dest bi Nobeta Edaletî kerdibî. Nobeta keyeyî roja 824ine de dewam keno. Keye seba ke peynîya hewteyî ya nobeta xo ya ewro keyeyê xo yê Pirsûsî dewam kerd. 

 

Keye çalakîya ewro de nê mesajî pare kerd: "Hêvîkerdiş têkoşîn o. Bi têkoşîn ma do heqê hêvîye bi dest bikerê. Xoverdayîşê dayîke hemverê bêedaletî û xirabîye yo. Xoverdayîş bi israrê dayîke do edalet bîyaro nê welatî.”