MERKEZÊ XEBERAN - Bi sebebê hêrişê cinsî,  derheqê Şaredarê Guluçî yê AKPyî Gokhan Mûstafa Demîrtaş de tehqîqat ame destpêkerdiş. Dewaya derheqê Mûstafayî de ameye akerdiş de qerarê dûrvistişî ame dayîş. Cinîyê ke desteştiş înan rê ameyo kerdiş, dîyar kerdî ke dimayê qerarî tedayê serê înan zêde bîyê. 

 

Vera Şaredarê Guluçî yê Zonguldakî yê AKPyî Gokhan Mustafa Demîrtaşî hêrişê cînsîyî ra tehqîqat ame akerdene. Goreyê xebera Halk TVyî dosyaya tehqîqatî de ca ameyo dayene qiseyanê şaredarî yê vera cinîyan zî. Goreyê xebere Şaredarê AKPyî Mustafayî bi fekkî 6 mengan cinîyî tacîz kerdê û 2021 de zî vera di cinîyan hêrişo cînsî kerdo.

 

Şaredarê AKPyî Mustafa hema zî karê xo ser de yo û derheqê ey de tu tehqîqati îdarî nêameyo destpêkerdiş. 

 

Dimayê qerarê dûrvistişî cinîyan dîyar kerd ke teda û mobbing zêde bîyo û cinîyan vîdeo ant û serê medyaya dîjîtale de pare kerd.