MERKEZÊ XEBERAN - Afganistan de cinîyan Taliban protesto kerd û bi dîmenê ke pare kerdî de venga dinya kerdî û vatî: “Ganî dinya paştdayîşê Talîbanî nekero û seba berjewendîyê xo nêşuxulno.”

 

Afganistan de komêke cinî 19ê hezîrane de cayêk girewte de kom bî û Talîbanî şermezar kerdî. Cinîyê ke dîmenêk antî û pare kerdî û dîyar kerdî ke nê di serrê peyînî de şarê Afganistanî hetê Talîbanî ra  rehîne yenê girewtiş û heme heqê qanûnî yê cinîyan yenê xespkerdiş. 

 

Cinîyan dîmen de dîyar kerdî ke ganî bingehê heqê merdiman de Konseyê Heqê merdiman ê Netewê Yewgirewte (NY) paştdayîşê cinîyanê Afganistanî bikero. Hîn sazgehê mîyannetewî terorê talîbanî nêvînenê û seba berjewendîyê xo şuxulnenê û vatî: “Ganî dinya paştdayîşê rêxistina terorî ya Talîbanî nêkero û seba berjewendîyê xo nêşuxulno.