RIHA - Çalakîya Nobeta Edaletî de keyeyê Şenyaşarî dîyar kerd ke pêwa pawitoxê Îbrahîm Halîl Yildizo AKPyîj peynî bîyo zî hukm seba îfadeyî venga ci nêdano la do dayîka ke vernîya edlîye de edalet gêrena, do muhakeme bikero.

 

14ê hezîrana serra 2018ine de merdim û pawitoxê Parlamenterê AKPyî yê Rihayî yê verê Îbrahîm Halîl Yildiz qezaya Pirsûsî ya Rihayî de hêrişê keyeyê Şenyaşarî kerd. Hêriş de cinî û di lajê Emîne Şenyaşar ameyî qetilkerdiş. Emîne Şenyaşar û lajê aye Ferît Şenyaşar ke qirkerdiş ra bi birîndarî xelas bîbî, 9ê adara 2021ine de vernîya Edliyeyê Rihayî de dest bi Nobeta Edaletî kerdibî. Çalakîya keyeyî roja 819ine de dewam kerd. Dayîka Emîne Şenyaşare seba nêweşîya xo nêeşka bêro vernîya edliyeyê coka nobete keyeyê xo yê Pirsûsî de dewam kerd.

 

Keyeyî, serê hesabê xo yê medyaya dîjîtale de ard vîr ke roniştişê dewaya Emîne Şenyaşar ke bi sebebê “heqaretî” ameya akerdiş siba bêra kerdiş û wina venga Wezîrê Dade Yilmaz Tunçî kerd: “Pêwa ke pawitoxê kesê Nêweşxaneyê Dewlete ya Pirsûsî de qirkerdiş kerdê hukm seba îfadeyî veng nêdano. La eynî hukm do sibe saete 09.20ine de dayîka vernîya edliyeyî de waştişê edaletî kena muhakeme bikero! Eke no bêedaletî û zilm timî dewam bikerdêne, o wext çira wezîr ame vurnayîş?