RIHA - Çalakîya "Nobeta Edaletî" ya keyeyê Şenyaşarî 816 rojî yo dewam kena û Emîne Şenyaşar çalakîya ewro de qisey kerd û vat: “No bi 2 serrî yo ma vernîya edlîyeyê de yê. Ez seba her kesî edalet wazena.” 

 

14ê hezîrane serra 2018ine de merdim û pawitoxê Parlamenterê AKPyî yê Rihayî yê verê Îbrahîm Halîl Yildizî qezaya Pirsûsî ya Rihayî de hêrişê keyeyê Şenyaşarî kerd. Hêriş de mêrde û di lajê Emîne Şenyaşar ameyî qetilkerdiş. Emîne Şenyaşar û lajê aye Ferît Şenyaşar ke qirkerdiş ra bi birîndarî xelas bîbî, 9ê adara 2021ine de vernîya Edliyeyê Rihayî dest bi Nobeta Edaletî kerdibî. Çalakîya keyeyî roja 816ine de dewam kena.

 

Emîne Şenyaşar, serê sibayî de keyeyê xo yê Pirsûsî de verê berê Edlîyeyê Rihayî û vernîya derenceyan dest bi Nobeta Edaletî kerd. Çalakî de pankartê “Edaletî” ame akerdiş. 

 

Emîne Şenyaşar, çalakî de wina vat: “Bi 2 serrî yo ma vernîya edlîye de yê. Ser re mewsîmî derbaz bî. Zerreyê nêweşxaneyî de merdimî kiştî. Beno ke ez zî biameyîne kiştiş. Pey înan de xeylêk tutê qijî mendî. Pêwa nêweşîyanê xo zî ez tîya nişnena ro. Ez seba her kesî edalet wazena.”