AMED - MKGP û DFG do 16ê Hezîrane de seba 16 rojnamegerê ke bi serrêke ameyê tepiştişî û roniştişê înan nêameyo kerdiş, 16ê aşme de vernîya Edlîyeyê Amedî de do eşkerayîye bidê. 

 

Polîsan 8ê hezîrana 2022ine de çarçewaya cipersayîşê Serdozgerîya Komare ya Amedî de xeylêk bajaran de erzîya serê xeylêk keyeyan û sazgehê çapemenîye de tepiştî. Netîceyê sereştişê keye û sazgehan de 20 ci ra rojnamegerî bi pêroyî 22 kesî ameyî destbendkerdiş. Midûra JINNEWSî Safiye Alagaş, Hemserekê Komeleya Dîcle Firatî (DFG) Serdar Altan, Edîtorê Ajansê Mezopotamyayî (MA) Azîz Oruç, Wayîrê Îmtiyazî yê Rojnameyê Xwebûnî Mehmet Alî Ertaş, rojnameger Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remziye Temel, Ramazan Gecîken, Lezgîn Akdenîz û Mehmet Şahin 16ê hezîrane de sewqê edliyeyî ameyî kerdiş û bi îdiayê “Endamîya rêxistine” ameyî tepiştiş. 

 

Seba yewin serrgêra tepiştişê rojnamegeran, do 16ê Hezîrane roja îne vernîya Edliyeyê Amedî de eşkerayîye bêro dayîş. Platformê Rojnamegeranê Cinîyan ê Mezopotamyayî (MKGP) û Komeleya Rojnamegeranê Dîcle Firatî (DFG) do 16êê Hezîrane saete 11.30ine de vernîya edliyeyî de eşkerayîye bidê. 

 

MKGP û DFGyî derheqê eşkerayîye de nê vengdayîşî kerd: “Yewin serrgêra tepiştişê meslegdaranê xo de seba ke vajê ‘çapemenîya azad sere nêtewênena’ ma yenê têhet.”

 

van-14-06-23-iranda-yuzlerce-kadin-tutuklu.jpg görüntüleniyor.