AMED - Roniştişê yewin ê dewaya Mudûra Karê Nuşteyî yê ajansê ma Safîye Alagaş siba yeno vînayîş.

 

8ê hezîrana 2022yîne de çarçewaya cipersayîşê Serdozgerîya Komare ya Amedî dabî destpêkerdiş de midûra ajansê ma Safîye Alagaş zî ci de 22 kesî ameyî destbendkerdiş û 16ê hezîrane de 16 rojnamegerî ameyî tepiştiş. Roniştişê dewaya Safîye ke dosyaya aye 15 rojnamegerê bînan ra ameye cîyakerdiş û îdanameyê derheqê aye de dimayê bi 10 aşman, aşma Nîsane de ame amadekerdiş. Roniştişê yewin ê dewa do siba 5ine Dadgeha Cezaya Giran ya Amedî de bêro vînayîş.

 

Safîye bi sebebê "endamîya rêxistine" yena muhakemekerdiş. Îdianameyê Safîye bi 6 sernameyan û 383 rîpelan pê yeno. Seba tewrbîyayîşê roniştişê embazanê aye û meslegdaranê aye venga tewrbîyayîşî kerdibî.