ŞIRNEX - Cizîr de 18 kesê ke netîceyê sereştişê keyeyan de amebî destbendkerdiş 15 ci ra serê îfadeyê "şahidê nimite”, ameyî tepiştiş.

 

9ê hezîrane de polîsê tîmê taybetî taxê Cûdî û Nûrê yê qezaya Cizîrê Şirnexî de eştî serê xeylêk keyeyan. Netîceyê sereştişê keyeyan de îdarekarê Partîya Herêmê Demokratîke (DBP) yê Cizîr Remzî Dadak û welatijê bi nameyê Abîdîn Kuçuk, Îbrahîm Şahna, Nasir Şahna, Bezrîhan Dadak, Salih Bekiroglû, Sînan Dalmiş, Mehmet Çagdavul, Metîn Ecevît, Ridvan Şahna, Serkan Çagli, Rûken Acet, Melîke Duran, Muhlîs Dalmiş, Halime Sabar û Hasan Dadak û di kesê ke nameyê înan nêame zanayîş ameyî destbendkerdiş. Kesê ke ameyî destbendkerdiş emnîyet de îfade dayî û vizêr sewqê edlîye ameyî kerdiş.

 

18 kesê ke îfadeyê înan vizêr dozgerî de ame girewtiş; Abîdîn Kuçuk, Halîme Sabar û kesêk ke nameyê ci nêame zanayîş bi şertê kontrolê edlî ameyî veradayîş. Îdarekarê DBPyî Cizîrî Remzî Dadak û welatijê bi nameyê Îbrahîm Şahna, Nasir Şahna, Bezrîhan Dadak, Salih Bekiroglû, Sînan Dalmiş, Mehmet Çagdavul, Metîn Ecevît, Ridvan Şahna, Serkan Çagli, Rûken Acet, Melîke Duran, Muhlîs Dalmiş, Hasan Dadak û 2 kesê ke nameyê înan nêame zanayîş bi waştişê tepiştişî sewqê Dadgeriya Cezayê Sulhî ameyî kerdiş. 

 

Her 15 kesî zî serê îfadeyê "şahidê nimite” ameyî tepiştiş.