ANQARA - Rojnamegere Ceylan Şahînlî ya ke bi îdiayê “propagandaya rêxistine kerda” ameyîne muhakemekerdiş, beraet kerd. 

 

Roniştişê qerarî yê dewaye derheqê muxabîra Ajansê Mezopotamyayî (MA) Ceylan Şahînlî de derheqê çalakî û aktîvîteyê demê ke wendekar bîye gulana 2017ine de tewr bîbî bi îdiayê “propagandaya rêxistine kerda” ameyo akerdiş, 20ine Dadgeha Cezaya Girane ya Anqara de ame vînayîş. Roniştişê ke Ceylan Şahînlî tewrê nêbî de avûkatê aye Resûl Temûr bi SEGBÎSî beşdarê roniştişî bi. Avûkata Sendîkayê Rojnamegeranê Tirkîya (TGS) Ulku Şahîn zî seba roniştiş temaşe bikero eywane de cayê xo girewt.

 

Roniştiş de belgeyê dosya ameyî zêdekerdiş ameyî wendiş. Dozgerî dima ra mutalaayê xo wend, bi sebebê ke tu hêmanê qanûnî yê sûc nîyê, waştişê qerarê beraetî kerd. Avûkat Resûl Temûr zî tewrê dozgerî bi. 

 

Heyetê dadgehe seba tu hêmanê qanûnî yê sûcî nîyê, qerarê beraetî da.