Şehrîban Aslan 

 

AMED - Avûkate Songul Argunaga hedefgirewtişê qanûnê hûmara 6284ine ercna û vat: "Çira hemverê 6284ine dişminî yeno kerdiş? Sey Peymana Stenbolî de ame kerdiş, pîrozîyê keyeyî heqê cuya cinî bi erc yeno vînayîş. Şîdetê serê cinî, seba vilabîyayîşê keyeyî sebebêk pirr nîyo."

 

Serekkomarê AKPyî Tayyîp Erdogan şewêke de Peymana Stenbolî fesh kerd û dimayê nê kiştişê cinîyan zêde bî, şîdetê serê cinîyan resa sewîyeya tewr cor. Nika zî qanûnê hûmara 6284ine hedef de ya. AKPyî  bi partîyê dişminê cinîyan HUDA PAR û Yenîden Refah reyde tifaq kerd û nê partîyan waşt qanûnê 6284ine bêro betalkerdiş. HUDA PARî vat, ganî cinîyê ke tenê ciwîyenê wayîrê înan vejîyê. Hemverê nê de reaksîyonî her ke şinê zêde benê.

 

Avûkatanê Merkezê Heqê Cinîyan ê Baroyê Amedî Songul Argunaga derheqê cinîyan û hedefgirewtişê heqê cinîyan de ercnayîş kerd.

 

'Wazenê şîdet biniminê'

 

Songule vat, Peymana Stenbolî 2011 de bi amancê pawitişê Tirkîya kewto merîyet û wina vat: "10 serran de tu vatişêk peymane nêamebî vurnayîş la reyke de bi îdiayê keye rijnena hedef ameye girewtiş. Bi eşkerayo ke feshkerdiş peymane wazenê şîdetê mîyanê keyeyî biniminê û nêdê mojnayîş."

 

Şîdet sey problem nîno vînayîş

 

Songule vat, welat de demo ke merdim ewnîyeno îstatîstikê qetilkerdişî ra xeylê xo keye yan zî sewîyeya destveradayîşî de pê yenê. Songule qiseykerdişê xo wina dewam kerd: "No daye zaf berz o. Pêro rastî werte de yo la şîdet nîno vînayîş, şîdet sey problem nîno vînayîş. Peymane hedef yena girewtiş. Peymane yew qezencê cinîyan bî. Bêşik ma fek peymane ra vera nêdanê. Ma nika zî waştişnameyê xo danê. Argumanê ma yê derheqê nê de estê. Qanûnê 6284ine de nê argumanî dano ma. Nika qanûnê hûmara 6284ine zî kenê hedef. Serê cinîyan de her tewit vatiş esto. Dişminîyê cinî kenê. Wazenê qanûnê ke tutê 15 serre bêrê zewecnayîş bikerê. Wazenê qanûno ke cinî destûr camêrdan ra wazenê bikerê cuye. Nê kesî eynî wextî de hemverê perwerdeyê têmîyanî yê zî."

 

‘HUDA PARî qanûnê 6284 kerd hedef'

 

Songule wina vat: "Ewro qanûnê 6284 esto. Xeylêk îmkanê huqûqî estê la çi heyf paştdayîşê seba cinîyan qels ê. Nimûne stargehî xeylêk kêmî yê. Cinî bi tutanê xo yê 12 serrî pîlêr nêeşkenê şêrê stargehan. Pêwa seba starbîyayîşê cinî xeylêk alternatîfî estê zî nê serê kaxidî de manenê. Pêwa nê nimitişê adresê qerarê dûrvistişî serê kaxidî de maneno. Nînan ra yew zî kelepçeyê elektronîkî yo. HUDA PARî qanûnê hûmara 6284ine kerd hedef. Metnê xo de zî vano. Ma goreyê HUDA PARî ma cayê cinî baş zanê."

 

‘Ganî ma têkoşînê hempar bidê'

 

Songule qiseykerdişê xo wina dewam kerd: “Yew berpirsyarîyê ke peymana Stenbolî dayîne welatanê terefgir, bi sazgeh û rêxistinê cinîyan reyde bi hemkarî têkoşîn kerdibî. La demê Peymana Stenbolî merîyet de bî zî sazgeh û komeleyê cinîyan ameyî padayîş. Ganî ma hemverê nê hêrişan bi sazgehê cinîyan reyde têkoşînê hempar rayra berê. Ganî ma wayîrê heqê xo vejîyê. Seke tu alternatîfê ma çin o."