Melek Avci-Dîlan Babat

 

ANQARA - Dimayê weçînayîşan têkoşînê rêxistinkerde yê cinîyan ê vera tabloya serdestî bî rojeva yewine yê cinîyan. Endama HDP PM û Meclîsê cinîyan dîyar kerdî ke demê verênan de kişta têkoşînê qanûnî û parlementoye do verê xo bidê raşteyan.

 

Weçînayîşî ra dima Partîya Çep a Keske û Partîya Demokratîke ya Şaran (HDP) prosesê kombîyayîş û kongreye da destpêkerdiş. 2yê Hezîrane de Heyetê Rayîrber ê Merkezî (MYK) kombîyayîş pê ard û dima ra 4-5-6ê hezîrane de bi tewrbîyayîşê hemserek û hemverfekê Meclîsê Cinîyan û Meclîsê Partîye (PM) kombîyayîşê xo pê ardî. Bi qedîyayîşê kombîyayîşê Merkezê Pêroyî reyde do startê kombîyayîşê ke do bi şarî, rêxistinê merkez û qezayan reyde bêrê kerdiş zî ewro bêro dayîş. Eşkerayîya ke ame dayîş de ame dîyîş ke di amacê nê kombîyayîşan esto û yê yewine munaqaşakerdişê kêmanîyan û yê bîn zî rexne, xorexnekerdiş û nê çîyan ra ders vetiş o. Dimayê kombîyayîşan do bernameyê kongreyî eşkera bibo.

 

Endama HDP PMyî Sevtap Akdag û endama Meclîsê Cinîyan a HDPyî Nîlgun Salmanere derheqê xeta têkoşîn û rêxistibîyayîşê cinîyan de JINNEWSî re qisey kerd.

 

‘Dînamîkê tewr gird cinî yê

 

Sevtab Akdage da zanayîş ke meclîs nika meclîsê tewr serdest ê camêrd û netewperestî yo û wina vat: “Seke ma pêro zanê no meclîs meclîsê tewr netewperest, cînsîyetperest û dînperestî yo Nê heme ameyî şuxulnayîş û ameyî dîzaynkerdiş. Rojanê verênan de têkoşînê cinîyan vet raşte ke dînamîkê tewr xurt ê demokratîkbîyayîşê komelî cinî ya. Kesê ke vera nê yew tîpbîyayîşî de sere nêronenê cinî ya.”

 

‘Têkoşînî de qerardarî’

 

Sevtabe wina dewam kerd: “Ma qerardarê ke demê verênan de têkoşînê cinîyan berê her raşte. Ma qerardarê ke cuya xo bipawê. Têkoşînê cinîyan heta nika herikîya xeylê kanalan. Ma cinî qerardarê ke wayîrê têkoşînê xo bivejê. Têkoşîn tena meclîs de nêbeno. Têkoşîn raşteyan, fabrîkayan, taxan de yeno dayîş. Ma bi qerardarî ke bi heme cinîyan reyde raşteyan de bê. Hêzê ma têkoşînê raşteyan ra yeno. Ma têkoşînê xo de, ma hetê pawitişê cuya xo de qerardar ê. Ma do vera hêrişan de bi hawayêk xurt bibê yew.”

 

‘Ma fek paradîgmaya xo ya azadîwaze ra vera nêdanê’

 

Nîlgune Salmaner zî dîyar kerd ke xeylê cinîyan bidestkerdiş adetê HDPyî û demê verî ra yeno û meclîs de zî wina bîyê vengê polîtîkayê cinîyan û wina vat: “Ma do prosesêk ke dişminîyê cinîyan yeno rayraberdiş derbaz biibê la ma qetî tu wext paradîgmaya xo ya azadîwaz ra vera nêdanê. Paradîgmaya ma hedefê ma ya tewr pîl a. Seba nê zî  ma do vengê cinîyan ê meclîsî kuçe de berz bikerê, zêde bikerê û bi perspektîfê rayîrê hîrêne berê meclîs û têkoşîn hîra bikerê. Hedefê ma yê demo newe no yo.”

 

‘Do têkoşînê cinîya rêxistinkerde bêro dayîş’

 

Nîlgune wina qedêna: “Ma Huda Parî serranê 90î bi kiştişê cinîyan zanê. No metod sey parçeyêk polîtîkayê şerê taybetî yê herême yeno rayraberdiş, hemverê cinîyan de pê yeno. Ma nê raşteyî de û têkoşîn de wayîrê tecrube yê. Ma noqtaya xeta perspektîfê cinîyan ê rayîrê hîrêne venga pêro cinîyan kenê, ganî têkoşîno hempar bêro rayraberdiş. Ganî ma destkewtişê xo bipawê. Ma do kuçeyan de bê. Ma do kîşte yewbînan de bê û rayraberdişê nê têkoşînî de mûnayîşê nê rayîrî de pîya qeraran bidê.”