RIHA - Keyeyê Şenyaşarî ke têkoşînê xo yê edaletî dewam keno, nê mesajî pare kerd: "Bi bawerîya ma, temaşekerdişê zilmê zaliman zalimbîyayîşî cîya nîyo. Nê zilmî rê bêveng memanê û edalet pê bîyarê.”

 

14ê hezîrana serra 2018ine de merdim û pawitoxê Parlamenterê AKPyî yê Rihayî Îbrahîm Halîl Yildiz qezaya Pirsûsê Rihayî de hêrişê keyeyê Şenyaşarî kerd. Hêriş de cinî û di lajê Emîne Şenyaşare ameyî kiştiş. Emîne Şenyaşar û lajê aye Ferît Şenyaşar ke qirkerdiş ra bi birîndarî xelisya, 9ê Adara 2021ine de vernîya Edliyeyê Rihayî de dest bi Nobeda Edaletî kerdî. Têkoşînê keyeyê Şenyaşarî yê edaletî roja  804ine de dewam keno. Seba ke peynîya hewteyî ya keyeyî ewro nobeta xo keyeyê xo yê Pirsûsî de dewam kerd.  

 

Keyeyî, serê hesabê xo yê medyaya dîjîtale de derheqê çalakîya xo de nê parekerdişî kerd: "Bi bawerîya ma, temaşekerdişê zilma zaliman zalimbîyayîş ra cîya nîyo. Nê zilmî ra hîna zêde bêveng memanê û lezabez edalet pê bîyarê. Heta ke edalet pê bêro do têkoşînê ma yê heq, huqûq û edaletî dewam bikero.