MEXMÛR - Endama Komîteyê Jinelolojî Songul Guler, bale ant serê ablûqayê mexmûrî yê hetê Hukmatê Iraqî û dîyar kerd ke dimayê nê ablûqayî polîtîkayê lêşin ê dewleta tirke bi rayîrê PKDyî estê. Dewleta tirke pêro bazaranê xo yê Rojhelatê Mîyanên serê kurdan de kena û bi xususî zî serê Mexmûrî. Seba ke Mexmûr temsîlkarîya sîstemê netewa demokratîke bi  perspektîfê Rayber Apo keno.

 

Leşkerê Iraqî 20ê Gulane de saete dorê 5ine serê sibayî waşt dorê wargehî ablûqa bikero û xeylêk nokteyan de leşkeranê xo dayî ro û waştî ke kuleyan awan bikerê. Nê helwestê hukmatê Iraqî bî sebebê reaksîyonê şarê Mexmûrî û hemverê nê ablûqa şarê ke dest bi çalakîyan kerd heta roja ewro çalakîya xo serkêşîya cinîyan de dewam keno.

 

Endama Komîteya Jineolojî ya Mexmûrî Songul Guler derheqê rewşa peyîn ya wargehî de ercnayîş kerd.

 

Songule dîyar kerd ke bi sebebê asayîşî waştî dorê wargehî bikerê binê ablûqa û vatî ke qerarê dewlete yo. Songule dewam de wina vat: "Hemverê nê de qerarê bêsebeb şarê wargehî helwestê xo mojna û vat, ganî ma bizanê ke amanc çî yo? Seba ke şarê Mexmurî dimayê nê helwestî zano ke sîyasetêk lêşîn esto û bazarê lêşînî ameyê kerdiş. Seba nê zî şarê ma helwestê xo yê demokratîke mojna û dest bi çalakîyan kerd. Bi 15 rojî yo şarê Mexmûrî xeyman de çalakî kenê û hemverê nê ablûqa de bi serkeşîya cinîyan dewam kena."

 

‘Cinî serkêşî kenê'

 

Songûle ard ziwan ke çarçewaya nê çalakîyan de xeymî ameyî ronayîş û vat: "Xeyman de çalakîy aşarî xo her hewa da awankerdiş û îdarekarîya xo zî serkêşîya cinîyan de bi ca ame. No ware de zî cinî vernî de bî. Ma eşkenê vajê ke şerê şarî yê şorişgêrî şexsê kesê Mexmûrî de xo mojna ra û bi xususî zî şexsê cinîyan de. La no ablûqa ewil nîyo. Seba ke par zî eynî çî kerdî û şarê reaksîyonê xo mojna û hukmatê Iraqî mecbur ma peyser game bierzo."

 

‘Nameyê bîn ê şarê Mexmûrî xoverdayîş o'

 

Songule dewam de vat: "Ma zanê ke pey nê kayî de dewleta tirke û PDK esto. Wargehê Mexmûrî serra 1994ine de hedefê polîtîkayê dewleta tirke de ya wazena vila bikera. No koçberîyê şarê Mexmûrî yê 9ine yo û no zî bi rayîrê PDKyî yeno kerdiş. La xususî 2008ine ra heta ewro bi şîdet serê wargehî de ameyî û sîyasetê lêşîn kerdî. Nê hêrişê xo hem warê leşkerî û hem zî warê sîyasî de pê ardî û bi nê helwestê xo hêrişê nasname û kulturê şarê kurdî kenê. La ganî ke bizanê nameyê bîn ê şarê wargehê Mexmûrî xoverdayîşî yo."

 

‘Pey nê hêrişan dewleta tirke esta'

 

Songule bale ant serê hêrişan û vat: "Çira ewro helwestê ma şîdet o hemverê hukmatê Iraqî? Seba ke hêrişê PKDyî hemverê wargehê Mexmûrî virazîyayîne ma xo seperna Iraq û heta nika mîyanê ma  û Iraqî, tu şarê erebî de problem çinbi û ma pawitişê înan de bî. Seba nê ma vanê no bi destê dewleta tirke yeno kerdiş. Seba ke dewleta tirke bazarê xo yê rojhelatê mîyanên heme serê kurdan de keno û bi xususî zî serê şarê Mexmûrî de keno. Seba ke Mexmûr nimûneyê sîstemê netewe demokratîke û perspektîfê Rayber Apo yo û goreyê xo rêxistin keno cû bi îradeyê xo hêzê xo dano ro û pêro meclîsê xo awan kerdê. La dewleta tirke nê hezm nêkena. Rêxistinkerdişê kurdan seba Tirkîya tehlukeyêk tewr pîl o û seba nê zî bi PDKyî reyde polîtîka rayra berdî. Seba ke şarê Mexmûrî nê pûç kerdî, nika zî hukmatê Iraqî kerd dewre û wazenê yan wargehî teslîm bigîrê û yan zî vila bikerê."

 

‘Do xoverdayîş dewam bikero'

 

Songule qiseykerdişê xo wina qedêna: "Hukmatê Iraqî vano ke ma seba asayîşî kenê. La çira no demê hêrişê DAÎŞî de nêkerd û çira demo ke 4 serran PDKyî ambargo da serê wargehî nêkerd. Ewro wurzeno çîyêk nêbîyo vano ma do kule ronê û asayîşê şima bigîrê. No helwestê hukmatî bawerî nêdano ma. Ganî hukmatê Iraqî ke wayîrîye ma rê kerdo ganî bivîno ke ma heta nika tu zirar nêdayo, goreyê têbigêro û hêzanê xo peyser bianco. Yan nê do xoverdayîşê ma dewam bikero."