MERKEZÊ XEBERAN - Şarê Mexmûrî xendekê ke hetê hetê Hukmatê Iraqî ra ameybî akerdiş, girewt.  

 

Saetanê serê sibayî de reyna leşkere Iraqî bi wesayîtanê zirxîyan û makînayê karî dormeyê Kampa Multecîyan ya Mexmûrî de kewtî têgêrayîş mîyan û dest bi kinitişê xendekan kerd. La şar hemverê nê hewldayîşî de werişt. Şar bi dest û payanê xo xendekê ke leşkere Iraqî akerdbî, pir kerd û girewet.

 

Artêşa Iraqî 20ê gulane ra nata kena ke Kampa Multecîyan a Şehîd Rûstem Cûdîyî ya Mexmûrî bigêra binê ablûqa. Şarê Mexmûrî roja 6. de vera ablûqa xoverdayîşê xo rê dewam keno. Hewldayîşê artêşa Iraqî yê seba ablûqakerdişê Kampa Multecîyan a Şehîd Rûstem Cûdîyî ya Mexmûrî dewam kena. Ewro saetanê serê sibayî de reyna leşkere Iraqî bi wesayîtanê zirxîyan û makînayê karî dormeyê Kampa Mexmûrî de kewtî têgêrayîş mîyan û dest bi kinitişê xendekan kerdî ke kuleyan virazî. 

 

La şar kewt mîyanê têgêrayîş û bi xoverdayîşê xo vernîya nê hewldayîşê leşkeran girewt. Şar bi dest û payan xendeqan bi herre pir kerd. 

 

Leşkerê Iraqî ablûqakerdişê kampe de bi israr o, şar zî mîyanê xoverdayîşî de yo.