MERKEZÊ XEBERAN - Artêşa Iraqî dimayê ke  wargehê Mexmûrî kerd binê ablûqa, nêverdena rojnamegerî bikewê wargeh.

 

20ê aşmî ra artêşa Iraqî hewl dana derûdorê Wargehê Şehîd Rustem Cûdî (Mexmûr) têl bikera. A roje ra Iraqê rayîr serê wargeha Mexmûrî de pada ya û nêverdena kes bikewo wargeh.

 

Artêşa Iraqî rayîr verê rojnamegeran zî pada. Goreyê xebera Rojnewsî xeylêk sazgehê neqlkerdişî wazenê bikewê wargeh û xoverdayîşê şarê Mexmûrî taqîb bikerê. La artêşa Iraqî rojnamegeran rê destûr nêdana ke bikewê wargeh.