MERKEZÊ XEBERAN - Şaredarîya Vîyana pê hesna ke do nameyê taxêk yê bajarî bikerî Jîna Emînîye ke bîye sembola serewedarnayîşî.

 

Şaredarîya paytextê Vîyana Awusturyaye pê hesna ke do nameyê Jîna Emînîye ya ke 16ê Êlule de hetê ‘polîsanê exlaqî’ yê rejîmê Îranî ra ameye qetilkerdiş û bîye sembola serewedarnayîşê ‘Jin Jiyan Azadî’ bidî taxêk yê bajarî.

 

‘Ma waşt ma paştdayîşê xo bimojnê’

 

Şaredarîya Vîyana da zanayîş ke seba paştîdayîşê serewedarnayîşo ke Rojhelatê Kurdistan û Îranî de dîya dest pêkerdiş nê qerarî girewte. Selahîyetdarê Şaredarîya Vîyanaye eşkera kerdî ke do demêk nizdî de nê qerarî pêşkêşê meclîsê şaredarîye bikerî.

 

Verfekê Serekê Şaredarîya Vîyana û Endamê Partîya Sosyal Demokrate ya Awusturyaye Marina Hankeye wina vat: “Seba paştîdayîşê serewedarnayîşo ke Îran de şar bi siloganê Jin Jiyan Azadî’ da dest pêkerdiş do nameyê taxêk Vîyanaye bikerî Jîna Emîye. Azadî û demokrasî her çî ra têkoşîn dayîş o. Ma sey bajarê Vîyanaye seba ke ma yewbînantepiştişê xo bimojnî çalakgeranê bi cesaretanî, şexsê Jîna Emînîye de têgêrayîşo ke cinîyan da dest pêkerdiş de ma waşt ke bajarê xo de heta peynî ca bidî.”