MERKEZÊ XEBERAN - Çimdaranê mîyanneteweyîyanê ke weçînayîşî teqîb kerdê dîyar kerd ke prosesê weçînayîşî de mabênê namzed û partîyan de qetî têdûştî û edalet çin bîyê.

 

Çimdarîya weçînayîşan a mîyanneteweyîye, Dezgehanê Demokratîkan û Buroyê Heqanê Merdiman (DKHB) ê AGÎTî, 264 kesî erkdar kerdî. 

 

40 welatan ra 401 çimdarî amebî

 

Çimdaranê mîyanneteweyîyan ke 40 welatan ra 401 çimdarî beşdar bibî, turê yewinî yê 14ê gulane ra dima Anqara de kombîyayîşê çapemenîye kerd û pare kerd ke weçînayîşî bi hawayêkê demokratîkî nêqewimîyayê. Çimdaran vat: “Weçînayîşî nê semedî ra gol nêvîyartî. Serekkomarê nikayênî û partîyanê îqtîdarî avantajêko neheqî kerd. Prosesê weçînayîşî de mabênê namzed û partîyan de qetî têdûştî û edalet çin bîyê coka reqabetêko edîlane zî çin bîyo. Ma do turê diyînî de zî bibê çimdar.”