MERKEZÊ XEBERAN - Hetgirê hemserekatîya Meclîsê Kantonê Efrîn û Şehbaye Cemal Reşîdî vengê peynîkerdişê abluqayî yê serê kantonê Şehbaye kerd û da zanayîş ke eke ablûqa dewam bikero do bobelatê merdimîye yê girdî bivejîyê raşte.

 

Hukmatê Şamî zêdeyê 5 serrî yo kantonê Şehbaye girewto binê ablûqa û ambargo roneno. Hukmat aşma Tebaxa 2022yî ra nata ablûqa giran kerdo û nêverdeno heme lazimîyê cuye, weşî, derman, gida û madeyê ferz yê cuye derbazê kantonî bibî. No abluqa cuya bi hezaran koçberanê Efrîn û hemwelatijê kantonê Şehbaye keno tehluke.

 

Hukmatê Şamî abluqa giran kerdo û nêverdeno heme lazimîyê cuye, doktor, weşî, derman, gida û madeyê ferz yê cuye derbazê kantonî bibê. No ablûqa cuya bi hezaran koçberanê Efrîn û hemwelatijê kantonê Şehbaye keno tehluke.

 

Temsîlkarê hemserekatîya Meclîsê Kantonê Efrîn û Şehbaye Cemal Reşîdî derheqê ablûqayî de ajansê ma rê qisey kerd û wina vat: “Wexto ke hêzê Sûrîye pê kenê, ablûqaya serê kantonê Şehba û taxê Şêxmeqsûd û Eşrefîye giran bena.”

 

Çinbîyayîşê gidayî

 

Cemalî wina dewam kerd: “Bi girankerdişê tecîrdî reyde 9 aşman ra hîna de hêzê hukmatê Şamî rayîr nêda ke kelepulêk daxî derbazê kantonî bibo. Coka ra rayîrberîya kantonî mecbur mend ke saetê embîran kêm bikero. Verê cû saetê embîran 5 saet bî la nika roje de tena di saet ê. La dima ra Heyetê Rayîrberîya Herême 27ê Nîsane de pê hesana ke kehrebe bi temamî birîyayo.”

 

Cemalî dewamê qiseykerdişê xo de vat: “Ablûqa dewam kena. Eke ablûqa dewam bikera do bobelatê girdî yê merdimîye herême de bivejî. Gidaya verê deste ma zaf kêmî ya. Nêwazena ke sîstemê kantonî wêran bibo. Ganî awe bêra dîyîş, firin bêxebetî, nan bêra pewtiş û bi rayîrê komînan bidîyo hemwelatijan.”

 

Cemalî wina domna: "Netîceyê ablûqa de rewşa weşîye yê kantonî xeylêk peyser kewto. Roniştoxî êdî nêeşkenê xo biresnê nêweşxane û merkezê weşîye. Seba rincanbîyayîşê şîyîş û ameyîşî, xeylêk kesî dinyaya xo bedelnaye. Nêweşxane û malzemeyê weşîye bi kehrebeyî şuxulênê. Seba nê ganî jeneratorî her tim akerde bê. La mazot peyda nêbeno. Eke ablûqa dewam bikero, do nêweşxane vindero."

 

Cemalî dîyar kerd ke seba nêbîyayîşê mazotî, ramitiş peyser kewto û citkarî nêeşkenê zîyanî rê awe bidê û dest bi ramitişî bikerê.

 

Vengdayîş

 

Peynîya qiseykerdişê xo de Cemalî vengadayîşê peynîkerdişê ablûqa kerd û vat: "Ma venga pêro hetê huqûqî û merdimî kenê ke wayîrê ercê xo vejîyê û ablûqa peynî bikerê. Seba ke eke no ablûqa dewam bikero do karesetê merdimîyî yê pîlî kanton de netîce bido.”

 

Ercê vîrardişî yo ke Cemal Reşîd pêvînayîşêk verê bi  ajansê ANHAyî de 13ê Nîsana vîyarte de dîyar kerdibi ke ganî ablûqa û kerdişê hemverê roniştoxê herême vinderê.