ERZIROM - Xoresan de endamê AKPyî Kenan Kaya herinda cinîyêke de raye eşt û heqaret muşahîdê Partîya Çep a Keske rê kerd. 

 

Badê weçînayîşo ke ame kerdiş bêhuqûqîyê ke ameyî kerdiş zî yew bi yewe vejîyenê werte. Bêhuqûqîyêk newe vejîya werte û qezaya Xoresanî ya Erziromî de hedîse qewimîya.

 

Goreyê malumatanê ke ameyî girewtiş; taxa Adnan Menderesî de sindoqê hûmara 1004 ê Mektebê Mîyanen ê Mumtaz Turanî de endamê AKPyî Kenan Kaya vera cinîyêke de raye eşt.

 

Partîyê bînî yê ke îtîraz kerdî, îtîrazê înan bênetîce mend. Eynî wextî de ame zanayîş ke kesê AKPyî heqaret muşahîdê Partîya Çep a Keske rê kerdo û muşahîdî tehdît kerdo.