ANQARA - Avûkat Sîpan Cîzrelîye seba rojnamegeranê çapemenîya azade ke 29ê Teşrîna Verêne de ameyî tepiştiş û do 16ê Gulane de roniştişê înan pê bêro veng kerd û vat: “Seba ke bi lez peynîya nê bêhuqûqîyan bêro, ma vengê paştîdayîşî seba rojnamegeran bi heme rayaumûmî ya demokratîke kenî.”

 

Serdozgerîya Komare ya Anqaraye 25ê Teşrîna Verêne ya 2022î de bajaranê cîya cîyana de 11 rojnamegeran destbend kerd û ard Anqara. Badê îfadeyî rojnamgerî sewqê Mehkemaya Cezaya Sulhî ameyî kerdiş û 9 rojnamegerî 29ê Teşrîna Verêne ya 2022î de ameyî tepiştiş.

 

Roniştişê rojnamgera ma Habîbe Eren û Oznur Deger, mudira karê nuşteyî ya Ajansê Mezopotamya (MA) Dîren Yurtsever, rojnamegerê ci Denîz Nalim, Selman Guzelyuz, Zemo Aggoz, Bêrîvan Altan, Hakan Yalçin, Emrullah Acar, Ceylan Şahînlî 16ê Gulane de do bêro dîyîş. Avûkatê dewaye ra yew zî Sîpan Cîzrelîye ya û Sîpane derheqê îdîanameyo ke ameyo hadrekerdiş de ercnayîş kerd û vengê tewrbîyayîşê roniştişî kerd. 

 

Heme falîyet û ajans ameyî îlegalîzekerdiş 

 

Sîpane dîyar kerd ke bado ke rojnamegerî ameyî tepiştiş 3 aşme û nîme ra dima îdîaname ame haadrekerdiş û falîyetê rojnamegerîye suc ameyî dîyîş û vat: “Ajansê Mezopotamya sey şikdar ameyo mojnayîş. Îdîaname 210 ripel bî. 13 ripelî xeberê ajansê Mezopotamya ra pê yeno. Kişta xeberan û îfadeyê muwekîlan de dest ronîya kelepulê înan yê rojnamegerîye ser. Raporê MASAKî suc ame mojnayîş. Çîyo ke bale anceno ra yew zî Ajansê Mezpotamya sey şikin ameyo nmojnayîş. Heme falîyet û ajans ameyî îlegalîzekerdiş û hedef ameyî girewtiş.”

 

‘Îdîanameyêk tebere raştî ameyo hadrekerdiş’

 

Sîpane dewamê qiseykerdişê xo de ard ziwan ke îdîaname de îdîayê bêhuqûqî estî û wina dewam kerd: “Ma ewnîyenê îdîanameyî, serdozgerîya komare nuqtaya ke delîl biercna de reaksîyonêk tebere huqûqî mojneno. Bi bahaneye ekonomîye hewl dano çîyan awan bikero. Şekle hadrekerdişê îdîanameyş reyna mojneno ke bi amacê astengkerdişê falîyetê rojnamegerîye ameyo kerdiş.” 

 

‘Îfadeyê şahide nimite bi nakokî yî’ 

 

Sîpane eşkera kerd ke dosyaye de îfadeyê şahide nimite esto û no îfade wextê kar û xebatê îfadeyê rojnamegeran de yeno pelçiqnayîş. Sîpane wina domna: “Dosyaye de hema şahido nimite esto. Şahido nimite yê bi kodê K8Ç4B3L1T5 derheqê rojnamegeran de yew bi yew îfade dano. Derheqê ke MA û JINNEWSî de xebetîyayo de îfadeyan dano. La îfadeyê derheqê falîyetê rojnamegerîye de heme bi nakokî yî û tebere raştîye yo. Îfadeyê şahidê nimite nêeşkeno seba suc delîl bêro mojnayîş. Çimkî raştîye ra dûrî yo. Mumkun nîyo ke hetê huqûqî de wina bêro qebulkerdiş.”

 

‘No ne operasyonê yewin ne zî peyîn o’

 

Sîpane wina vat: “Operaysonê hemverê çapemenîya azade tarîx ra heta nika dewam kerdê. Verê ra hemverê çapemenîya Kurde de hêrîşî estbî. Xeylêk rojnamegerî ameyî qetilkerdiş û hema zî şikdarê înan nêameyî tepiştiş û cezakerdiş. 2022ine de xeylêk rojnamegerî ameyî tepiştiş. 18 rojnamegerî Hezîrana 2022ine de ameyî destbendkerdiş û 15 ci ra ameyî tepiştiş. 10 aşmî tu îdianame nêame amadekerdiş. Dima ra Anqara de 9 rojnamegerî ameyî tepiştiş. 2yê Gulane de zî Sedat Yilmaz û Dîcle Muftuoglu Anqara de ameyî tepiştiş.

 

‘Azadîya fikr û fehmî sînor kerdî’

 

Sîpane diyar kir kerd ke komara Tirkîya de azadîya fikr û fehmî çin a û wina vat: “Falîyetê rojnamegerî, azadîya fikr û fehmî û çapemenî her tim ame îlegalîzekerdiş û sînorkerdiş.” 

 

Sîpane peynîya qiseykerdişê xo de seba roniştişê yewin ê ke do roja sêşeme Edliyeyê Sihhiyeyê Anqarayî de bêro vînayîş venga wayîrvejîyayîşê  rojnamegeran kerd û dîyar kerd ke ê seba paştdayîşî venga pêro kesan kenê ke tewrê roniştişî bibê.