RIHA - Keyeyê Şenyaşar ke 783 rojî yo "Nobeta Edaletî" gêno rayanê xo dayî û nê mesajî dayî: “Ma seba  ameyoxêk demokratîke wezîfeyê xo bi ca ardî.”

 

Keyeyê Şenyaşar ke 783 rojî yo verê berê Edlîyeyê Rihayî de Nobeta Edaletî gêno, rayanê xo dayî.  Dayîka Emîne Şenyaşar û Ferît Şenyaşar rayanê xo Lîseyê Anadolû yê Fethî Şîmşekî yê Taxa Demokrasî yê qezaya Pirsûsî de rayanê xo eştî.

 

Ferît Şenyaşarî eynî wextî de namzedê parlamenterî yê Partiya Çep a Keske, dimayê ke rayanê xo eştî wina vat: “Ma seba ameyoxêke edalet û demokratîke wezîfeyê xo bi ca ardî. Tu ca û meqam cuya merdiman muhîmêr nîyo. Waştişê ma oyo ke vera ke hedîse vejîyê werte weçînayîş temam bikerê û vurnayîş pê bîyarê.”