STENBOL - Zîyaretê Partîya Çep a Keske û xebatê aye yê çarçeweya weçînayîşî dewam kena. Hemverfeka Partîya Çep a Keske Çigdem Kiliçgun Uçare zîyaretê Komeleya Erzînganijan de vat: “Prosesê neweyî de do AKP vînî bikero, ma do ser bikewî."

 

Zîyaretê Partîya Çep a Keske û xebatê aye yê çarçeweya weçînayîşî dewam kena. Çarçeweya xebata weçînayîşî de Partîya Çep a Keske şî zîyaretê Komeleya Erzînganijan.

 

Çigdeme sere de heqê qiseykerdişî girewt û wina vat: “Seba zext û xirabîyanê AKPyî peynî bibo ma sey Partîya Çep a Keske dayeyêk newe awan kerd. Ma bawer kenê ke do demokrasî bêra awankerdiş. Prosesê neweyî de do AKP vînî bikero, ma do ser bikewî. Nê rayîrî de rayvanîya şima muhîm a. Eke şima bibî ma do nika ra ser bikewî.” 

 

Ma seba weçînayîşî hadre yî

 

Bade namzeda parlamenterîye Kerem Firtina qisey kerd û wina vat: "Ma heme seba roja yewşeme hadre yî. ma do paştîdayîş bidî Kiliçdarogluyî û peynîya AKPyî bîyarî. Ganî ma bi xeylê temsîlkaran parlementoye de bî. Partîya ke do CHPyî azad bikera reyna Partîya Çep a Keske ya.”

 

Ziyaret bi pers û cewaban û qiseykerdişan peynî bî.