Melîke Aydin

 

MÛGLA - Cinîyan dîyar kerd ke îqtîdarîya AKPyî heqê cinîyan 21 serrî yo des de tepişeno û bi hemkarîya Huda Par û Yenîden Refahî ameyoxêr tarî dano vernîya înan. Cinîyan vat ke ê bi hîvîyî û do bibedilnî.

 

Weçînayîşo ke do 14ê Gulane de pê bêro rê tena di roje mend û cinîyan dîyar kerd ke weçînayîş hêvî dano înan û ganî her kes raya xo seba heqanê xo bida.

 

Cinîya bi nameyê Şadîye Yilmaze da zanayîş ke dewa Yalikavakî de sebze ronena û krîzê ekonomîye vera tu ercêk pere de nêmendo û vat: “Serra 2017î ra heta nika ma razî nîyî. Ez weçînayîşî de bi kesî bawer nêkena. Bawerîya mi bedilnayîşî esta. Hêvî kena ke bedilnayîş bibo. Êdî bes o. Ez polîtîkaya dewlete rexne kena. Ganî bezreyê pî û kalan bêro eştiş. Wa bezreyê ma nêbedilî. Gidayê organîk heqê her kesî yo.”

 

‘Ciwan betal î’

 

Nîmet Ayguna ke memura teqawit a zî wina qisey kerd: “Ma serranê ewilinan de AKPyî ra razî bî. La nika ma razî nîyî. Her çî raşte de yo. Ma seba xo seba domananê xo fikarin î. Ma demokrasî wazenê. Ma wazenê sey welatê Ewropî biciwîyî.”

 

‘Heqê cinîyan dest ra ameyî girewtiş’

 

Mamosteya teqawîte Beyhan Karasuye zî wina vat: “AKP 21 serrî yo heqê cinîyan dest ra gêno. Cinîyan eştî planê peynî. Hepsê keyeyê kerdî. Ma xeylê têkoşîn da, hêvîya ma estbî. Şar 21 serrî yo ke felaketêk winasî ameyo serê ma. La ma do bibedilnî.”

 

‘Ma do serbikewî’

 

Karkera keyeyî Fatma Akine ard ziwan ke krîzê ekonomi her ke şino giran beno û vat ke 2002yî ra heta nika rewşe xeripîyaya û çîyêk baş înan ra nêdîyo.

 

Karkera keyeyî Funda Kalsaye zî nê çîyan vat: “Bi îqtîdarîya AKPyî ma nêweşxaneyan de fîş nêdî. Cîyayeyê mabenê feqîr û dewlemendan zaf xorî bî. La netîceyî de nika serekkomarê ma ê yî. Ma wazenê êdî tay bedilnayîş bibo. Eke ma ser nêronî hetêk biverdî ma do ser bikewî.”

 

‘Azadîya fikr û ramanî çinî yo’ 

 

Merve Yildize zî nê ercnayîşan kerd: “Îqtîdarî nêeşkeno tu çîyêk rayra bibo. No îqtîdar zaf zêde mend. Partîyêka hende derg nêeşkena bimana. No raşt nîyo. Nê welatî de azadîya fikr û ramanî çinî yo. Hêvîya ma no yo ke tîya ra tepîya her çî weş bibo.”