Gulîstan Dursun

 

RIHA - Cinîyê Rihaye dîyar kerdî ke ê Partîya Çep a Keske ra bi hêvîyê û vatî ke eke Riha bibedilîyo do heme Tirkîya bibedilîya.

 

Weçînayîşê 14ê Gulane rê demêk zaf kilm mend û Partîya Çep a Keske xebata xo bêmane domnena. Sîyasetmedar û hemwelatijê Rihaye derheqê weçînayîşî de ercnayîşê xo ardî ziwan ser.

 

‘Ma do bi şarê xo reyde bî’

 

Hemsereka HDPyî ya Rihaye Garîp Yeşîl: Roja ke startê xebate ameye dayîş ma xebate rayra benî. Şar reaksîyon mojneno AKPyî. Şarê Riha vera nê zextan de do raya xo bida Partîya Çep a Keske. Hedefe ma gird o. Ma şarê xo esas gênî. Ma edalet esas gênî. Ma do 14ê Gulane de Emîne Şenyaşare rê edalet bîyarî.

 

‘Ma wazenê ke tecrîd wedarîyo’ 

 

Hazal Çam: Ma partîya xo ra bi hêvî yî. Ma do ser bikewî. Ma do înan tk bibî. Wa êdî gonî nêrija. Wa kes nêro tepiştiş. Wa tecrîdê serê serekatî wedarîyo. Seba nê wa her kes raya xo bida Partîya Çep a Keske. 

 

Hatîce Kubra Dursun: Raya mi ya yewine Partîya Çep a Keske ra ya. Seba azadîye seba ameyoxê cinîyan Partîya Çep a Keske. Partîya ke vernîya şîdetê serê cinîyan gêna Partîya Çep a Keske ya. Ez her kesî dawetê serê sindoqan kena û wa raya xo bidî Partîya Çep a Keske.

 

‘Ma bidelnayîş wazenê’

 

Hatîce Kubra Goktepe: Problemê ekonomî, perwer, fikirîyayîş seba ameyox û sewbîna ver nê sîstemî faşîst ez raya xo dana Partîya Çep a Keske. Ciwan hêvîye Partîya Çep a Keske de vînenê. Ma ciwan û cinî wazenê ke bedilnayîş bi wesîleya Partîya Çep a Keske do ba. Ma tesîrê nê ci vînenê. Ma do 14ê Gulane de bimojnî. Riha bibedelîyo do Tirkîya bibedilîya.

 

Waştişê edaletî

 

Emîne Yilmaz: Seba ameyoxêk weş û roşne raya xo bidêne Partîya Çep a Keske. Ganî cinî heme raya xo bidî Partîya Çep a Keske. Vîşêrê cinî dinyayêka sîyasetêk nêbeno. Partîya ke tewr zêde cinî xo tede vînena Partîya Çep a Keske ya.