MERKEZÊ XEBERAN - Mudurîyê Îkametgahan ê Hewlêrî dîyar kerd ke ê do dosyaya sîyasetmedara kurde Azîme Arsun teslîmê hukmatê Iraqî bikerê.

 

Mudurîyê  Îkametgahan ê Hewlerî derheqê siyasetmedara Kurde Azîme Arsuna ke hetê PDKyî ra  Teyaregehê Hewlêrî yê Başûrê Kurdistanî de destbend kerdî, eşkerayîyêke da. Eşkerayîye de ame vatiş, dosyaya Azîme Arsune do teslîmê hêzê asayîşê federal a Iraqî bêra kerdiş.

 

2yê Gulane de amebî destbendkerdiş

 

Sîyasetmedara Kurde Azîme Arsune 2yê Gulane de demo ke waştêne Teyaregehê Hewlerî de şêro teberê welatî hetê hêzê PDKyî ra ameye destbendkerdiş.