MERKEZÊ XEBERAN - Mehkemaya Berze ya Kubaye cezaya muebetî da kiştoxê cinîyan.

 

Mehkemaya Muhakemekerdişî ya Berze ya Kubaye serê malperê xo de pê hesna ke ‘Cezaya muebetî daya di kesê ke merdim kiştbî’.

 

Mehkemaye dîyar kerd ke Yadier Delva Havana de cinîya ke o reyde zewecnayebî û Alexander Napolesî zî Ciego de Avila embaza xo ya ke waşt ci reyde dûrî bikewa kiştbî.

 

Noqtaya qanûnê cezaye ya newe de seba her kesê ke ‘Seba şîdetê esasê cinsî, cuya cinîyêke peynî bikero’ 20 serrî ra heta 30 serrî cezaya zîndanî, cezaya muebetî ya zî cezaya kiştişî do bêra dayîş.

 

Goreyê kolektîfê xoserî "Alas Tensas" û "Yo sí te creo",  Kubaya ke nifusê aye 11,1 mîlyon a, mabenê aşmanê çele û nîsane de 27 cinî ameyî qetilkerdiş.

 

Goreyê eynî kolektîfî serra 2022yî de 36 cinî ameyî qetilkerdiş.