XARPÊT - Partîya Çep a Keske siba Xarpêt de mitîngê girdî organîze kena û venga tewrbîyayîşê mîtîngî ame kerdiş.

 

Partîya Çep a Keske siba Raşteyê Stasyonî yê Xarpêtî de saete 16.00ine de mitîngê girdî yê weçînayîşî organîze kena. Verfeka Partîya Çep a Keske Çîgdem Kiliçgun Ûçar û Hemserekê Pêroyî yê  Partîya Herêmê Demokratîke (DBP) Keskîn Bayindir do tewrê mitîngî bibê. 

 

Namzedanê partîye venga tewrbîyayîşê mitîngî şarê Xarpêtî kerdî û vatî: "Bêrêne bi ruh û coşê Newroze mitîngê xo organîze bikerê. No mitîng xeylêk muhîm o. Coka ma wazenê bi girseyî derbaz bibo. Ganî şarê ma nêkewo şik û gumanê ke do raya înan veng şêro ma pêro şarê xo dawetê mitîngê ma yê 10ê aşme kenê.”