Sema Çaglak

 

ŞIRNEX - Verfeka Komîsyonê Weçînayîşî yê qezaya Cizîrî Berîvan Kutlu bale ant serê muhîmîyê asayîşê sindoqan û dîyar kerd ke ganî her kes rayanê xo rê baldar bo û rayîr nêdo dizdî û hîleyê ke bêrê kerdiş.

 

Weçînayîşê 14ê Gulane rê demêk kilm mend û xebatî bêmabên dewam kenê. Bi nêzdîbîyayîşê weçînayîşî reyde yew babeta muhîm yê rojeve de zî asayîşê sindoqan o. Verfeka Komîsyonê Weçînayîşî yê qezaya Cizîrî ya Şirnexî Berîvan Kutlu bale ant serê muhîmyê asayîşê sindoqan.

 

Berîvane, destpêkê qiseykerdişê xo de dîyar kerd ke weçînayîşê 14ê Gulane seba zorberdişê nê sîstemê lêşînî xeylê muhîm o û vat, “Weçînayîşî rê tay rojî mend. Pêwa pêro tedayan û psîkolojîyê seba erdlerzî, caardişê weçînayîşî seba komelî bi moral. Raşteyan de û bi pêşwazîkerdişê namzedan reyde şar mesajê xo dano û wazeno nê sîstemê lêşînî peynî bikero. Munaqeşe û pêvînayîşê ma de zî no mesaj vejêno werte. No coş û moral tesîr xebatanê ma rê keno û ma bi hêzêr keno. Hêvî û waştişê ma zî oyo ke ma 15ê Gulane de bi şahîyêke pîl şîyayîşê nê sîstem û îqtîdarî pîroz bikerê. No waştiş tenê seba şarê kurdî nê, eynî wextî de seba pêro şaranê Tirkîya zî hêvîyêke gird a. Seba ke êdî sebrê şarî hemverê nê îqtîdarî de qedîya yo. Seba nê serkewtişê 14ê Gulane seba heme şarê Tirkîya şahîyêke ya.”

 

‘Wa her kes rayanê xo rê baldar bibo’

 

Berîvane bale ant serê asayîşê sindoqan û vat: “Demêk derg o xebatê ma yê seba pawitişê sindoqan estê. Vernîya bi aşman ma amadekarîyê xo kerdibi. Dimayê ke padayîşê HDPyî kewt rojeva ma amadekarîyê xo yê seba HDPyî açarnayî seba Partîya Çep a Keske. Xebatê ma yê na babete de bi baldarî dewam kenê û şarê ma zî na babete de xessas o. Xeylêk kesî wazenê xebatê pawitişê sindoqan de ca bigîrê. Heta nika no hukmat bi dizdî û kayî weçînayîşan de serê nê îqtîdarî de mendo. Komîsyonê ma seba pawitişê sindoqan xebatê xo bêmabên û bi rêk û pêk dewam keno. Asayîşê sindoqan beş bi beş o. Wareyê pawitişî de problemêk çin o. Xebatê ma yê seba asayîşê sindoqan milê fermî de peynî bîyê û yê seba beşê bînî zî ver bi peynî şênê. Gama ke ma raya xo da ganî ma baldar bê û nêverdê ke hîleyan bikerê. Seba ke do roja weçînayîşî yê ke nêeşkenê qezenc bikerê muracatê hîleyan bikerê û eşkenê probleman vejê. Ma şarê ma yê Botanî ra bawer ê. Şarê ma dimayê ke rayê xo danê, heta rayê înan şêrê erebeyan zî taqîb kenê. La  no baldarî lazimo ke her ca de pê bêro.”

 

Rayî do senîn bêrê şuxulnayîş?

 

Berîvane, tewr peyîn wina vat: “Xeylêk ciwanê ma yê ke reya ewilî ray bişuxulnê estê. Nika gama ke ma xebatê xo kenê ma vînenê ke hişê şarî de têmîyanî virazîyaya. Seke do pûsûla parlementerî de di rayan bişuxulênê. No şaşitîyêk pîl o. Ma vîşêr partîya xo rayanê xo nêdanê partîyêke bîn. Tenê wa pûsûlayê de raya xo bidê Partiya Çep a Keske û mohrê xo bidê piro. Xora di pûsûla danê. Ê parlementerî de ma do bidê Partîya Çep a Keske sewbînî nêdanê partîyêk bîn. Tenê seba pûsûlayê Serekkomarî ma do mohrê xo binê fotografê Kiliçdaroglu bidê. Seba parlamenterî ma nêdanê CHPyî. Gama ma raya xo şuxulna zî pusulayî de mohrê ma ganî vernî de bo û ma a gore pusula bipêşê û bikerê zerf.”