AMED - Cipersayîşê ke serra 2022ine de derheqê edîtora ma Gulşen Koçuke de bi îdiayê "endamîya rêxistina terorî" amebî destpêkerdiş 1 serrî dima qerarê bêtaqîbkerdişî ame dayîş.

 

Çarçewaya cipersayîşê Serdozgerîya Komare ya Amedî de ke ame destpêkerdiş 8ê Hezîrana 2022ine de 20 ci ra rojnamegerî bi pêroyî 22 kesî amebî destbendkerdiş. Rojnamegerê ameyî destbendkerdişî  Mudura Karê Nuşteyî ya JINNEWSî Safîye Alagaş, Hemserekê Komeleya Rojnamegeran ê Dîcle Firatî (DFG) Serdar Altan, Edîtorê Ajansa Mezopotamya (MA) Azîz Oruç, Midûrê Karê Nuşteyî yê Rojnameyê Xwebûnî Mehmet Alî Ertaş û rojnameger Zeynel Abidin Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ûngûr, Abdurrahman. Doguhan, Remziye Temel, Ramazan Late, Lezgîn Akdenîz û Mehmet Şahîn mîyan de 16ê Hezîrane de bi îdiayê "endamîya rêxistine" ameyî tepiştiş. Rojnamegere Gulşen Koçuk, Esmer Tunç, Mehmet Yalçin, Kadîr Bayram, Feyinaz Koçuk û Îhsan Ergunlu zî bi şertê kontrolê edlî ameyî veradayîş.

 

Dimayê 10 aşmî îdîaneme temam bi

 

Îdianameyê derheqê 15 ci ra tepişte 16 rojnamegeran de dimayê 10 aşman ame amadekerdiş û hetê 4ine Dadgeha Cezaya Giran ya Amedî ra ame qebûlkerdiş. Roniştişê yewin do 11ê Temmuze de bêro kerdiş. Îdîanameyê derheqê Mudura ma ya Karê Nuşteyî Safiye Alagaşa ke esîr amebî girewtiş, hetê 5ine Dadgeha Cezaya Giran ya Amedî ra ame qebûlkerdiş û roniştişê ci ya yewine 15ê Hezîrane ame dîyarkerdiş.

 

Qerarê bêtaqîbkerdişî

 

Derheqê edîtora ma Gulşen Koçuka ke mîyanê rojnamegeran de ameyîne muhakemekerdiş, qerarê bêtaqîbkerdişî ame dayîş. Dosyaya Gulşene de xeberê ke viraşta, xeberê ajansî de ameyê weşanayîş ca gênê.