STENBOL - Cinîyan dîyar kerd ke Partîya Çep a Keske seba cinîyan hêvîyêk gird a û wina vatî: “Xirbêk 20 serran welat de esto. Partîya Çep a Keske do probleman çareser bikera. Cinî do 14ê Gulane de bi sloganê ‘jin jiyan azadî’ cewab bidî û îqtîdarî bişirawê.”

 

Weçînayîşî rê 6 roje mend û Partîya Çep a Keske xebata xo bêmaben rayra bena. Cinîyê Stenbolî waştişê xo û qey vanê Partîya Çep a Keske vatî.

 

Cinîya bi nameyê Arzu Akgune dîyar kerd ke Partîya Çep a Keske do azadîya cinîyan bîyara, vengê cinîyan berz bikera û wina dewam kerd: “Cinî kedkar a, berardoxkar a, çîyo ke nêbera ser çin o. Partîya Çep a Keske hêzê cinîye ya. ma do ser bikewê. Partîya Çep a Keske vengê cinîyan temsîl kena. Ez wazena ke Partîya Çep a keşke aştî, azadî û demokrasiye bîyara. Ez wazena kurd, tirk, elewî, sunnî, laz û çerkezî pîya biciwîyî. 14ê Gulane de do cinî ser bikewa.”

 

Tercîh Partîya Çep a Keske ya: Ma do bi ser kewê

 

Kadrîye Tenîkane zî ard ziwan ke name bibedilîyo zî fikriyat eynî yo û coka ra aye bi Partîya Çep a Keske reyde dewam kenê û vat: “Ma seba aştî û asayîşî tîya de yê. Ma wazenê ameyox hîna zêde xurt bibo. Ganî gonî vindera û heme rengî tîya de bê. Ganî feqîrîya cinîyan peynî biba. Tabî hema yew reyêk de nêbeno. La xirbêk 20 serran welat de esto. Do Partîya Çep a Keske çareser bikera. Tercîhê ma Partîya Çep a Keske ya. Ma do bi Partîya Çep a Keske reyde îqtîdarî bişirawî.”

 

‘Cinî do bi Partîya Çep a Keske reyde îqtîdarî birijnê’

 

Cinîya bi nameyê Halîme Ake zî wina vat: “Partîya Çep a Keske seba waştişê şarî xebatan rayra bena. Ma wazenê vernîya mergê cinîyan bigêrê, îstîsmar, destdergê bêro çinîkerdiş, peynîya betalîye bêra û her kes azade biciwîya. Coka ra ma vanê Partîya Çep a Keske. Partîya Çep a Keske partîya cinîye ya û heme çareserî aye de ya. Cinî do bi Partîya Çep a Keske reyde îqrîdarî bişirawê.”

 

‘Ma do cewab bidê’

 

Tewr peynî cinîya bi nameyê Cevhera ke nêwaşte peynameyê xo bida wina vat: “Seba ke Partîya Çep a Keske heqanê qiseykerdiş û vatişî yê cinîyan xesp nêkena ma vanê Partîya Çep a Keske. Partîya Çep a Keske do bi paştîdayîşê cinîyan serkewtişî dest bifîna. Ma do 14ê Gulane de cewab bidî îqtîdarê AKPyî.”