STENBOL - Namzeda Partîya Çep a Keske ya Herêma Diyîn ê Stenbolî Ayşan Aksoy ke dayîka xo esas girewt û têkoşînê xo pîl kerd wina qisey kerd: “Hemverê kiştişê cinîyan, hemverê hêrişê cinsî yê hemverê tutan û hemverê şerî rayanê xo bidê Partîya Çep a Keske." 

 

Namzeda Partîya Çep a Keske ya herêma diyîn ê Stenbolî Ayşan Aksoy dîyar kerd ke serranê 90î de keyeyê aye seba tedayê dewlete dewa Zîlanê Êlihî ra koçê Stenbolî kerda û serê çîyê ciwîyaya dest bi têkoşînî kerda. Ayşan Aksoy vernîya weçînayîşî 14ê Gulane ajansê ma rê ercnayîş kerd. 

 

‘Mi dayîka xo û cinî esas girewtî’

 

Ayşane 1979ine de dewa Zîlanê Êlihî de yena dinya. 11 wayê û bira yê. Dewe de mektebê sereyîn wanena. Yê mîyanên zî Kozluk de 3 serran mektebê herêmîya rakewteyî wanena. Ayşane dîyar kena ke dayîka aye wayîrê hişmendîyê cinî bî û dayîka aye wayîrê şexsêke mîlîtanî bî. Ayşane vana dayîka xo ra îlham û cesaret girewta û vat: “Dayîka mi cinîyêke xurt û seknê aye zaf zelal bi. No seba mi bî îlham. Dayîka mi seba pêro tutanê xo têkoşîn kerd. Ez zî wina pîl kerda. Ya ke ez ver bi têkoşînî rê berd zî dayîka mi bî. Mi dayîka xo û cinî ra esas girewt û kewta têkoşîn.”

 

Hêrişê nîjadperestî! 

 

Ayşane da zanayîş ke aye şahidîya serranê 90î kerda û wina vat: “Ez hema zî tesîrê ê prosesî ra nêvejîyaya. Bêşik do hetê başî zî bibê. Seba têkoşînî do nê mi gane verdê. Heto bîn ra zî serranê 90î de ma dewe xo veng nêkerdêne, ma do biameyîne vînîkerdiş yan zî ma do terkê mergî biameyîne kerdiş. Yewin amancê înan o bi ke herême bêmerdim verdê. Dimayê vengkerdişê dewan, keyeyê mi koçê Stenbolî kerd. Ma xeylêk zehmetî ant. Ez bi dayîka xo reyde şîne bazar. Laçika spî serê dayîka mi de estbî. Seba nê derûdorê ma tim ma qij fistêne. Wesayîtan de seba ke ma kurdkî qisey kerdêne, reaksîyon mojnayî. Ma keye gêrayîne, keye nêdayîne ma. Cewabê înan no bi, ‘Şima rojhilat ra yê’. Yanî ma surgun de zî nêsternayîne. Seba nê mi xo têkoşîn de dîne. Mi raşteyê Galatasarayî de Dayikê Şemeyî nas kerd. Mi înan ra hêz girewt.”

 

‘Ganî ma cinî meclîs de bê’

 

Ayşane, da zanayîş ke bi têkoşînê cinîyan dest bi xebatan kerda û qiseykerdişê xo wina qedêna: "Mi tu wext fek têkoşîn ra vera nêda. Ez bi delegeyê HDKyî de bîya. Di demî mi hemserekîya qeza kerd. Nika Partîya Çep a Keske ra namzeda Stenbolî ya. Ganî cinî meclîs de ca bigîrê. Ganî meclîs bibê vengê cinîyan. Ganî cinî meclîsî de bê ke her keyeyêk de roşnîya cinî bibo. Mi sey cinîyêke vat, ez bi têkoşînê xo yê nasnameyê têkoşînê cinsî ganî meclîsî de bî. Seba peynîya kiştişê cinîyan, îstîsmarê tutan, krîzê ekonomî, butçeyê şerî rê yeno visnayîş peynî bibo, ganî her kes paştdayîş bido Partîya Çep a Keske. Ganî her kes raya xo bido Partîya Çep a Keske.”