RIHA - Keyeyê Şenyaşarî 774 rojî yo verê Edlîyeyê Rihayî de çalakîya 'Nobeta Edaletî' dewam kena. Çalakî de ame dîyarkerdiş ke feraseto ke edalet bi ca nêano do vînî bikero.  

 

Çalakîya Nobeta Edaletî ya keyeyê Şenyaşarî 9ê adara 2021ine de verê Edlîyeyê Rihayî daya destpêkerdiş, roja 774ine de dewam kena. Keyeyo ke banê xo yê Pirsûsî ra kewt rayîr û ame verê berê Edlîyeyê Rihayî verê pankartê “Seba Keyeyê Şenyaşarî Edalet” çalakîya xo ya nobete dewam kerd.

 

Keyeyî serê hesabê xo yê medyaya dîjîtale de nê mesajî pare kerd: “774 rojî yo ma verê Edlîyeyê Rihayî de paweyê edaletî yê. Feraseto ke edaletî bi ca nêano do vînî bikero.”