Melîke Aydin

 

ÎZMÎR - Tepişteya nêweşa giran ya 29 serrî yo tepişte ya Aynur Eplî seba tumurê sereyê aye, rewşa ci her ke şina giran bena û hema nêameya tehlîyekerdiş. Aynure bi huner hewl dana cuya xo dewam bikera. Keyeyê aye ci rê qelemanê boyaxî şirawenê la nînê dayîş.

 

Zîndanan de seba şertê giran yê tepişteyê nêweşî kewenê rewşêka xirabe û hemverê heqê înan ê cuye rêzdarî nîna ramojnayîş. Bi xususî na rewşe hemverê tepişteyanê sîyasî de hîna zêde giran bena. Serekkomar Tayyîp Erdogan ke roja dest bi wezîfe kerdo, heta nika 22 tepişteyî ceza werdê yê hîzbullah, feto, darbe û tîryakî amebî tepiştiş efû kerd, tepişteyanê sîyasî nêdîyaye ame.

 

Tepişteya sîyasî Aynur Eplî ya 29 serrî tepişte ya Zîndanê Cinîyan ê Şakranî de yena tepiştiş. 10 serrî yo tumor mezgê aye de yo û nîna veradayîş. Serrêke û 6 aşmî tehlîye rê mendo û keye bêmabên seba kênaya xo ya nêweşe venga tehlîye kena.

 

Nêweşî zîndan de peyda bî

 

Aynure Agirî ra ya û 1993ine de Tozanê Îdirî de ameye tepiştiş. Zîndanê Erzirom, Sêwas, Sêrt û Îzmîr de mende. 2012ine de demo ke Zîndanê Sêrtî de bî, mezgê aye de tumor ame tespîtkerdiş. Dimayê nê sewqê Amedî ame kerdiş. Serrêke dimayê teşhîsê tepişteyê ke  dotmamê aye bî Fatma Ozbay û Gulser Ozbay şirawitî verê aye. La seba keye Agirî de bî, nêşî serdayîş. Aynure seba ke tîjî nêvînena, 29 serrî de tewrê grevanê vêşanîyan bîya, aye reyde nêweşîyê anemî, mîde û roqela zî vejîya werte.

 

Rewşa aye giran bena

 

Pêwa 10 serrî yeno zanayîş tumor sereyê Aynure de yo raporê doktorê Zîndanê Şakranî çin yeno hesibnayîş û nîna veradayîş. Aynur her ke şina hîsê tehmî, boye, eşnawitiş û vînayîşî zî vînî kena.

 

Resiman xêz kena

 

Aynure pêwa nê prosesê zehmetî resiman xêz kena û têkoşînê cuye dana. Keye û embazê aye ci rê qelemê boyaxî şorawenê la îdareyê zîndanî nêdano. Aynure bi îmkananê qelsî resiman xêz kena. Resimê Aynure hetê ekîba ‘zere de teber de cinî’ pêşangehêk de ame mojnayîş. Aynure pêşangeha xo dîyarîyê Kevser Elturk  (Ekîn Wan) ya YJA Starî ke Gimgim ê Muşî de ameye qetilkerdiş û Ozgecan Aslana ke Mêrsîn de amebî qetilkerdiş, kerd.

 

Keyeyê Aynure seba tehliyeyê kênaya xo her tim veng dano û dîyar kena ke ganî lezkî bêra veradayîş.