MERKEZÊ XEBERAN - IPA derheqê xebatanê xo yê erdlerzê merkezê ci Mereş bî, neql kerd ke 4,8 milyon tutî erdlerzî ra tesîr bîyê. Her 5 tutan ra 1 ci ra bi hawayêk psîkolojî, fizîkî û komelî erdlerzî ra tesîr bîyê.

 

Pediatriyê Mîyannetewî (IPA) netîceyê xebatê xo yê zanîstî derheqê rewşa tutê ke erdlerzê 6ê Sibate merkezê ci Mereş bî tesîr bîyê pare kerd.

 

IPAyî dîyar kerd ke xebate seranserê Tirkîya hetê doktoranê pisporan ê tutan ra ameyo rayraberdiş. Goreyê netîceyê xebatê welat bi pêroyî 4,8 tutî erdlerz ra tesîr bîyê. Tirkîya her 5 tutan ra 1 ci ra bi hawayêk psîkolojî, fizîkî û komelî erdlerz ra tesîr bîyo.

 

IPA îşaret bi nê kerd ke tutan de mîyanê 6 aşman de prosesê xo dano teber û tesîrê travmayan nişka vara vejeno werte. Eynî wextî de bale antî serê muhîmîyê hetkarîya psîkolojî seba tutan. Heto bîn ra dîyar kerd ke ganî herêmê erdlerzî de hetkarî dewam bikerê.