Gulîstan Dursun

 

RIHA - Weçînayîşê 14ê Gulane rê demêk kilm mend û namzedê Partîya Çep a Keske hetê şarî ra eleqeyêk gird vînenê. Namzeda Partîya Çep a Keske ya Rihaye Cemîle Şahîne bale ant têkoşînê xo yê tewrbîyayîşê têgêrayîşê Kurd ke ewro bi namzedîya xo rayra bena ser.

 

Xebata weçînayîşî yê prosesê 28an yê serekkomarî û parlementerî dewam kena. Namzeda Partîya Çep a Keske ya Rihaye Cemîle Şahîne zî xebata xo dewam kena.

 

Cemîle Şahîne 1970î de qezaya Pirsûsî ya Rihaye de ameye dinya. Heta sinifê diyîne wend û dima ra mektebe ra fek vera daye. Bado ke zewecîyaye mektebê orte û mektebê amadekarîye teberî ra temam kena. 5 tutê aye estê. 1992î de Têgêrayîşê Sîyasî yê Kurdî nas kena. HADEP, DEP, KCDyî xebatan rayra bena. Mabenê 2017-2021î de hemserekatîya HDPyî ya Pirsûsî kerd. Cemîleya ke xebata sîyasî de ca girewtêne û esnafî kerdêne. Bi keye û tutanê xo ya 5 aşme reyde di reyan ameye tepiştiş.

 

Cemîle nika namzeda Rihaye ya û JINNEWSî rê qisey kerd. 

 

Mîraso ke Partîya Çep a Keske dewr girewta 

 

Cemîleye dîyar kerd ke seba ke Partîya Çep a Keske seba probleman bena çareserî seba namzedîye muracat kerda û wina vat: “Riha cayêk muhîm o û bajarêk tarîxî yo. Bajarê pêxember û egîdan o. giranîya ci zêde ya. Ez nika sey namzede têkoşînê xo dewam kena. No zî mîraso ke serkêşê Partîya Çep a Keske ameyo girewtiş ra yeno. Erê raşt o, partîyêka zaf newe ya. la mîrasê aye zaf giran û xorî yo. Partîya Çep a Keske do cewabêke zaf weş bida.” 

 

Do cewabo ke ganî bêro dayîş bida

 

Cemîleye sewbîna da zanayîş ke Rihaye de cinî planê peynî de yî û donemo ke cinî yenê qetilkerdiş de cinî rêxistinbîyayîşê xo ra bawer ê û wayîrê îrade yê. Cemîleye da zanayîş ke do şarê Riha 14ê Gulane de cewab bido sîstemî. 

 

Cemîleye qiseykerdişê xo wina qedênaye: “Ganî şarê Riha xo Partîya Çep a Keske de bivîno. No di serrî yo ke Dayîka Emîne Şenyaşare kişta edlîyeyê Rihaye de xover dana. Waştişê edaletî kena. Emîne Şenyaşare nimuneyêk tarîxî ya. Ganî cinîyî wayîrê Emîne Şenyaşare bivejê.”