Şehrîban Aslan

 

AMED - Hemsereka Şubeyê Hûmara Yewine ya Egîtîm Senî ya Amedî Emîne Akşahîne seba 1ê Gulane Roşanê Karker û Kedkaran veng kerd û dîyar kerd ke do 1ê Gulane de bi vengêk berz vajê wa no sîstemê şerî peynî bibo.

 

Emserr 1ê Gulane Roşanê Karker û Kedkaran do bi sloganê ‘Kede ya ma ya, ameyox yê ma yo’ her cayê Tirkîya û Kurdistanî de bêra pêşwazîkerdiş. Amed de do Raşteyê Berê Koyî de 1ê Gulane bêra pêşwazîkerdiş. Hemsereka Şubeyê Hûmara Yewine ya Sendîkaya Kedkarê Perwerdeyî (Egîtîm Sen) ya Amedî Emîne Akşahîne derheqê 1ê Gulane de qisey kerd û da zanayîş ke 1ê Gulane de bi kortejan biherikîyê Raşteyê Berê Koyî."

 

‘Kede ya ma ya, ameyox yê ma yo'

 

Emîneye da zanayîş ke nê welatî de sera 90î ra zêde nufusî berardiş keno û wina dewam kerd: “Sermayeyêk kede yê serê keda ma qesran de cuyenê esto. Ma bawer kenê ke do emserr sera 90ê nufusî raşteyan de bo. Cinî, ciwan, karker, kedkar, koçber û heme hetê bindestî yê komelî do emserr 1ê Gulane de bêrê têkîşt. Ma do waştişê hemparî raşteyan de bîyarê ziwan ser û xo îfade bikerê, pîya têkoşîn bikerê. Tirkîya de enflasyon her ke şino berz beno. Bi mîlyonan kesî binê sînorê vêşanîye de cuyenê. Ma bawer kenê ke bi mîlyonan kesî nê roşanî de tu çîyêk nêgirewto. Ma nê çîyî qebul nêkenê. Ma wazenê ke nê sîstemî bibedilnê. Çike kede ya ma ya, ameyox yê ma yo."

 

Binpaykerdişê keda cinî

 

Emîneye dîyar kerd ke 1ê Gulane vernîya weçînayîşî de yo û do waştişê xo yê hempar bîyarê ziwan û wina vat: "Emserr  Amed de ma do bi hîrê kortejan ver bi Raşteyê Berê Koyî de şêrê. Dima ra ma do eşkerayî bidê û 2 yan zî 3 saetan ma do 1ê Gulane pîroz bikerê. Demê wayîrvejîyayîşê butçeyî yo. Bi xususî ganî cinîyî raşteyan de bê. Oyo ke tewr zêde kede înan yeno binpaykerdiş zî cinî yê. Her ca de keda cinîyan yena binpaykerdiş. Cinî karê bêasayîş de yenê şuxulnayîş. Embazê ma yê ke têkoşînê cinîyan rayra berdêne ameyî destbendkerdiş û tepiştiş. Bi seyan embazê ma seba karê STKyî karê înan ameyî girewtiş."

 

'Seba komelêk eşkeno ci de bêro ciwîyayîş'

 

Emîne bale ant serê erdlerzê 6ê Sibate de virazîya û vat: "Cinîyê ke erdlerz de hewl dayî birînanê xo bipêşê û heto bîn ra têkoşînê cuye dayî. Ma şî rewşa embazanê xo dî. Ma bi înan reyde vengê xo berz kerdç Ma bi pêro Tirkîya reyde pare kerd. Ma do 1ê Gulane de vengê xo pîya berz bikerê. Seba komelêk bi eşkp bêro ciwîyayîş, ma do têkoşîn bikerê. Ma venga pêro cinîyan kenê.  Ganî ma pîya wayîrê kede, bajar, ziwan, kultur, terzê cuya xo, edeletî vejîyê û pîya têkoşîn bikerê. Ganî ma sere nêtewênê."