RIHA – Keyeyê Şenyaşar ke Nobeta Edaletî dewam keno, serê hesabê xo yê Twîtterî de nê mesajî pare kerd: “Zîhnîyeto ke xo serdestê şarî de vîneno do vînî bikero. Cayêk de edalet çinî bo, helalî zî çin o.”

 

Emîne Şenyaşar û lajê aye Ferît Şenyaşar (keyeyê Şenyaşarî) roja 765ine de Nobeta Edaletî verê Edlîyeyê Rihayî de dewam keno. Keye, 9ê Adara 2021ine ra çalakîya xo dewam kerd.

 

Emîne Şenyaşar û Ferît Şenyaşar sey her roje keyeyê xo yê Pirsûsî ra ameyî verê Edlîyeyê Rihayî û cayê her roje de dest bi nobete kerdî.

 

Keyeyî serê hesabê xo yê Twitterî de nê mesajî pare kerd: “Roja 765ine de têkoşînê ma yê edaletî dewam keno. Dayê verê edlîye de û ma zî bi Partîya Çep a Keske reyde raşteyan de têkoşînê xo dewam  kenê. Zîhniyeto ke xo serdestê şarî vîneno, do vînî bikero. Cayêk de edalet çin bo, helalî zî çin o.”