AMED – Dimayê ke qerarê sînordarkerdişê pêvînayîşî yê 24 saetan ê kesê ke destbendkerde bî peynî bî, dest bi girewtişê îfadeyan ame kerdiş.

 

Çarçeweya tehqîqatê Serdozgerîya Komare ya Amedî de 21 bajaran de operasyon dîya dest pêkerdiş. Vizêr polîsanê merkezê ci Amed Mêrdîn, Sêrt, Çewlîg, Wan, Şirnex, Êlih, Dîlok, Riha, Bursa, Stenbol, Îzmîr, Mersîn, Mûş, Bedlîs, Colemêrg, Osmaniye, Sêwas, Meletî, Semsûr û Anqara de eşt xeylêk adresan ser. Netîceyê operasyonî de xeylê rojnameger, avûkat, sîyasetmedar û hunermendî ameyî destbendkerdiş û dest ronîya kitab û malzemeyê dîjîtalî yê kesê ke ameyî destbendkerdiş ser. Çarçeweya tehqîqatî de muxabîra ma Berîtan Canozer, Edîtorê Ajansê Mezopotamya Abdurrahman Gok, muxabîrê MAye Ahmet Kanbal, Mudirê Karanê Nuşteyan ê Yeni Yaşamî Osman Akin, Wayîrê Îmtîyazî yê Xwebûnî Kadrî Esen ameyî destbendkerdiş. Rojnameger Mehmet Yalçin, Mehmet Şah Oruç, Mîkaîl Barut, Salîh Keleş, Remzî Akkaya, huqûqnas û kaybazî zî tede pêro pîya 152 kesî ameyî destbendkerdiş. 

 

Vizêr dimayê destbendkerdişê dozgerî de derheqê kesê ke ameyî destbendkerdiş de 24 saetî pêvînayîşê înan sînordar kerdibi. Dimayê ke nê serê sibayî sînordarkerdişê pêvînayîşî peynî bî, bi avûkatanê xo reyde pêvînayîş kerdî.

 

Avûkatan dîyar kerd ke 152 kesî destbendkerde yê û vatî ke emnîyet de îfadeyê înan yeno girewtiş.