WAN - Amadekarîya mîtîngê cinîyan ke do siba bêro kerdiş dewam kena. Vengê ‘Bêrêne ma pîya, bi vengê xo raşteyan de bêrî têkişt, vera qirkerdişê cinîyan, şer û talanî de vinderî, rengê sîyasetî bibedilnî’ yeno kerdiş.

 

Partîyê sîyasî yê ke do bikewî weçînayîşê Serekkomarî û weçînayîşê Prosesê 28ine yê Parlamenterîye ke do 14ê Gulane de Kurdistan û Tirkîye de bêro kerdiş, badê eşkerakerdişê lîsteya namzedan xebata xo ya raşteyan da destpêkerdiş û xebata raşteyan dewam kena. Xebata Partîya Çep a Keske wexto ke yena kerdiş xebate açarîyena mîtînge. Bajarê Serhadî de Partîya Çep a Keske bêmaben xebata xo ya weçînayîşî dewam kena de vizêr Colemêrg û Geverî de dest bi mîtîngan kerd. Botan de mîtîngê cinîyan ame viraştiş. Partîya Çep a Keske do siba (26ê Nîsane) Serhad de bajarê Wanî de mîtîngê cinîyan pê bîyara.

 

Xebata ‘Kombîyayîşê Cinîyan’ ra ver ke Parka Aştîye ya Musa Anterî de bêra kerdiş, bi vilakerdişê vilawekan tax, raşte û ber bi ber dewam kena û cinîyan dawetê raşteyan kenî. Kişta Hemsereka Pêroyî ya HDPyî Pervîn Buldan û namzede parlamenterîye, Başak Demîrtaş û hunermend Xece zî do tewrê mîtîngî bibî û veng dîya cinîyan ke bi reng û vengê xo raşteyan dekerî.

 

Vera rejîmê camêrdî de vengê mîtîngê cinîyan

 

Namzeda Parlamenterîye ya Partîya Çep a Keske ya Wanî Gulcan Kaçmaz Sayyîgîte zî vat: “Seke şima zanî ma do weçînayîşê 14ê Gulane de hem rejîmê seserrî birijnî, hem zî seba faşîzmê AKP-MHPyî yê vîst serîî biqedênî şêrî sindoqan ser. Ma cinîyê ke bajarê Wanî de cuyenî do 26ê Nîsane de saet 12.00î de mîtîngê cinîyan pê bîyarî. Ma pêro embazanê xo yê cinîyan yê Wanî dawetê mîtîngî kenî, bi taybetî îqtîdarîya 21 serrî de şîdetê vera cinîyan aver şîyo. Ma şima dawetê mîtîngî kenî. Ma şima dawetê serê sindoqan ke peynîya şîdetê camêrdî bîyaro kenî.”

 

'Vera şer û talanî de tewrê mîtîngî bibêne'

 

Endama Heyetê Weşanî ya Jîneolojîye Neslîhan Şedale zî veng daye heme cinîyan ke 26ê Nîsane de seba pawitişê cuyêka azad û seyyewbînan vera şer, qirkerdiş û şîdetî de tewrê mîtîngê 26ê Nîsane bibî û vat: “Ma do heme cinîyan reyde bêrî têkişt û raşteyan dekerî. Ma cinîyî 26ê Nîsane de ma do vera ekonomîya şer, qirkerdişê komel û her tewirê qirkerdişî de raşteyê mîtîngî de arê bibî.”

 

Sîyasetî meke rengê cinî... 

 

Aktîvîsta Tevgerê Cinîyanê Azadan (TJA) Dîlan Yildize zî wina vat: “Bi sîyaseto ke bi seserran rengê camêrdî girewto, bi polîtîkaya bi vîrê camêrdî reyde cinî her tim ameya qetilkerdiş, îmhakerdiş û keyeyê xo de ameya tepiştiş. Coka ra ma do 14ê Gulane de cuyêka rengê cinîye awan bikerî. Cinî do biba dîyarkera nê weçînayîşî. Coka ra ma heme cinîyan dawetê mîtîngî kenî.” 

 

Sîyasetêk bi rengê cinîye

 

Rayîrbera HDPyî ya Bajêrî Nurcan Kayare zî veng daye cinîyan ke bi reng û vengê xo tewrê mîtîngî bibî û vat: “14ê Gulane bi taybetî seba heme cinîyan xeylê muhîm o. Tewrbîyayîşê mîtîngî muhîm o.”

 

Veng dîya cinîyanê ciwanan!

 

Hemwelatijan ra yew Umran Acare da zanayîş ke dîyarkerê weçînayîşê 14ê Gulane "Cinîyê Ciwan î"  û heme cinîyê ciwanî dawetê mîtîngî kerd.