XARPÊT – Namzedê parlamenterî yê cinî yê Partîya Çep a Keske yê Xarpêtî seba mîtîngê siba qezaya Depî de bêro kerdiş, veng dayî.

 

Partîya Çep a Keske siba qezaya Depî ya Xarpêtî de saete 15.00ine de taxa Cumhuriyetî bi beşdarîya Hemsereka Pêroyî ya DBPyî Salîha Aydenîze mîtîngê weçînayîşî organîze kena. Namzedê parlamenterîye yê cinîyan ê Partîya Çep a Keske yê Xarpêtî Nurşat Yeşil û Sûltan Yaray venga beşdarîya mîtîngî kerdî.

 

Nurşat Yeşîl dîyar kerd ke ê pêro şarê xo hemverê faşîzmî û seba awankerdişê ameyoxê azadî dawetê mîtîngî kenê. 

 

Sûltan Yaray zî da zanayîş ke aye hemverê nê sîstemê zordarî şarî dawetê mîtîngî û vat: "Bale her kesî serê Xarpêtî de ya. No mitîng xeylêk muhîm o. Ma do wareyê mîtîngî de paweyê pêro şarê xo bibê."