STENBOL - Namzeda Partîya Çep a Keske û Merdima Şemeye Ayşe Tepe ya ke têkoşîno sey Merdimêka Şemeyî domnena ewro bi Partîya Çep a Keske reyde kerda yew û vat: “Partiya Çep a Kesk rihê xoverdayox yê sey cinîyanê kurdan zî sey mîeas gêna û do seba pêro cinîyab bibê çimeyê hêzî.”

 

Meclîsê Cinîyan ê Partîya Ameyoxî a Çep a Keske (Partîya Çep a Keske) 5ê Nîsane de bi beyannatê weçînayîşî yê cinîyan eşkera kerd û 9ê Nîsane de Partîya Çep a Keske lîsteya xo ya 600 nemzedan ke ci de 200 ra zêde cinî esta bi rayaumûmî reyde ame parekerdiş. Partîya Çep a Keske 34 bajarî de rêza yewine de cinîyan mojna.

 

Nê cinîyan ra yew zî Ayşe Tepe ya. Ayşeye herêma yewnine ya Stenbolî de ameye mojnayîş.  Ayşe Tepe waya Ferhat Tepe yo ke serra 1993î de Bedlîs de ameybî qetilkerdiş a. Ayşeye Dayîka Aştî û Merdimê Şemeyî ra ya. 

 

Cuya bi xoverdayîşî dest pêkerde

 

Ayşeye da zanayîş ke kanîya têkoşînî keyeyî ra yeno keyeyêk welaparêzî mîyan de pîl bîya û wina vat: “Tedaya serranê 90an ra ez zî xeylê tesîr bîya. Heta nika têkoşînî rayra bena. Dewaya yewile ya ke derheqê mi de ameye akerdiş tewrbîyayîşê Newroze bî. 16 serrî ez DGMyî de ameya muhakemekerdiş. Unîversîte de ez têgêrayîşê wendekarand e bîya. JÎTEM keyeyê mi tehdît kerd. Netîceyê ci de Ferhat ame remnayîş û qetilkerdiş. Her kes bîrdozîyêk înan esto. Seba mi nasname zaf muhîm o. Ma biewnî tarîxê Kurdistanî, her kes binê tedayan de gird beno. Vera ci de merdim keweno pawitişî. Wexto ke ez wendekarbîya bi têgêrayîşê wendekaran reyde bîya. Teber de bi têgêrayîşê komelê sivîlî reyde bîya, xebatê derheqê kurdan de, çalakîyê Dayîkê Şemîye de mi têkoşîn da.”

 

Xoverdayîşêk bi Partîya Çep a Keske reyde bîyo yew 

 

Ayşeye dewam de wina ard ziwan: “Mi xoverdayîşê xo bi Partîya Çep a Keske reyde kerd yew. Ez Partîya Çep a Keske ra bîya namzed. Yewin partîya meclîsî biba alternatîf û çareserîyê probleman rê pêşnîyazîyan bikero Partîya Çep a Keske ya. Mi têkoşînê xo dayîk û pîyê xo ra dewr girewt. Seba polîtîkaya bêcezaverdayîşî bêro wedaritiş, şikdarî bi tesîr bêrê cipersayîş, sûcê kewenê verê demvîyarteyî werte ra wedarîyê, ganî sererastkerdişê qanûnî pê bêrê. O yo ke no bikero zî meclîs o. Ez o biba vengê merdimanê vînîbîyayeyan, dayîkê şemeyî û parçeyêk çareserî. No seba mi xeylêk muhîm o.”

 

‘Ganî cinîyî dorê Partîya Çep a Keske de bibê xelek’ 

 

Ayşeye dîyar kerd ke Ferhat vînîbîyayeyê şarê kurdî yo û o zî parçeyêk nê têkoşînî bî û wina qedêna: “Têkoşînê tutîtî ra dest pêkerd, açarya têkoşînê şaran. Têkoşînê mi her ke şi hîra bi. Partîya Çep a Keske sîyaset de cayê cinî xurt keno. Ganî cinîyî dorê Partîya Çep a Keske bibê xelek. Ma do mîrasê ruhê xoverdayoxîya cinîyê kurdî sey mîras bigîrê û vetî sewîyeya cor. No proses seba kurdan do bibo prosesêk serkewtişî.”