MERKEZÊ XEBERAN  - Misilmanê Vakur û Rojhelatê Sûrîye amadekarîya roşanê Remezanî kenî û seba herînayîşê lazimîyanê roşanî sukan de qelebalixîyêk zêde esto. 

 

Sûkê bajarî, qeza û bajarokê Vakur û Rojhelatê Sûrîye de seba herînayîşê lazimîyanê roşanî sukan de qelebalixîyêk zêde esto. Kişta înan de zî şar şêranîyê roşanî hadre keno.

 

Amadekarîyê pêşwazîkerdişê Roşanê Remezanî Hesekê, Kobanê, Dêrik, Tebqa û Reqaye de dewam keno. Heto bîn de zî dewleta Tirke bombardumanê xo yê hemverê Vakur û Rojhelatê Sûrîyeye bêmaben dewam kena.

 

Sûkan de vera kewtişê erce lîreyê Sûrîyeye yê hemverê dolarî de her çî vaye bî. Hemwelatijî tena çîyê ferz eşkenê biherînî. 

 

Sewbîna Hêzê Asayîşê Zerre dekewtişê bajar û merkezê sûke de dewrîyeyê xo seba pawitişê asayîş û îstîqrarî zêde kerd.