AMED - Bernameyê kulturî yê Elîf Ungur ke bi 10 aşmî yo tepişte ya û  îddianameyê aye ameyo  amadekerdiş, bî sebebê sûcî. 

 

Çarçewaya cipersayîşê Serdozgerîya Komare ya Amedî dabî destpêkerdiş de 8ê Hezîrane de 20 ci ra rojnamegerî 22 kesî amebî destbendkerdiş. 16ê Hezîrane de zî 15 rojnamegerî ameyî tepiştiş. Derheqê 18 rojnamgeran de iddianame hetê 4ine Dadgeha Cezaya Giran ra ame amadekerdiş. Do 11ê Tîrmehî de roniştişê ewilî yê dewaya bi iddiayê "endamîya rêxistine" ameya akerdiş, pê bêro. Do roniştişê Elîf Ungura pêşkêşîya bernameyê Medya-Çand kerdêne zî bêro vînayîş.

 

Xebera Gurbetelli Ersoze sûc ameye hesibnayîş 

 

Îddianameyî de ca dayî bernameyê Newroze û 8ê Adare. Deyîranê Newroze sey sûcî ameyî hesibnayîş. Xebera Dengbêjî zî sey sûc ameya hesibnayîş. Pêşkêşkerdişê Elîfe ya xebera Gurbetelli Ersoz zî sey sûc ameya hesibnayîş. 

 

Elîfe ca dabî bernameyê dosyayê seba Roja Ziwanî ya Dayîke ya Dinya ya Ajansê Mezopotamyaye hadre kerdbî. Sewbîna ca dabî vengê seba azadîya hunermend Nudem Durake. Niha wazîyeno ke Elîfe nê xeberanê xo vera bêra cezakerdiş. Bi îdîaya ‘endamîya rêxistine’ seba Elîfe ceza yena waştiş. 

 

Se bîbî?

 

Çarçeweya tehqîqatê Serdozgerîya Komare ya Amedî ke dabî dest pêkerdiş de 8ê Hezîrane de 20ê ci rojnameger 22 kesî ameybî destbendkerdiş. 16ê Hezîrane de Mudira Karê Nuşteyî ya JINNEWSî Safîye Alagaş, Hemserekê Komeleya Rojnamegeran a Dîcle Firatî (DFG) Serdar Altan, Edîtorê Ajansê Mezopotamyaye (MA) Aziz Oruç, Mudirê Karê Nuşteyî yê Rojnameyê Xwebûnî Mehmet Ali Ertaş û rojnameger Zeynel Abîdîn Bulut, Omer Çelîk, Mazlum Dogan Guler, Îbrahim Koyuncu, Neşe Toprak, Elîf Ungur, Abdurrahman Oncu, Suat Doguhan, Remzîye Temel, Ramazan Geciken, Lezgîn Akdenîz û Mehmet Şahîn bi îddiayê "endamîya rêxistine" ameybî tepiştiş.

 

Do roniştiş 11ê Temmuze de bêro dîyîş

 

10 aşme yo ke hetê tehqîqatê derheqê rojnamegeran de tu averşîyayîşêk çinîbî. Rojanê verêna de îdîanameyê derheqê rojnamegeran ke hetê Serdozgerîya Komare ya Amedî ra ame hadrekerdiş Mehkemaya Cezaya Girane ya Amedî ya 4ine de ame qebulkerdiş. Roniştişê 15ê ci rojnameger yê 18 kesan do 11ê Temmuze de bêro dîyîş. Derheqê Mudirîya Karê Nuşteyî ya JINNEWSî Safîye Alagaşe de hema zî îdîaname nêameyo hadrekerdiş.