AMED - Dadgeha ke iddianameyê 15 ci ra tepişte 18 rojnamegeran qebûl kerd û qerarê "dewamîya tepiştişê" rojnamegeran da. 

 

Çarçewaya cipersayîşê Serdozgerîya Komare ya Amedî dabi destpêkerdiş de 8ê Hezîrane de 20 ci ra rojnamegerî 22 kesî amebî destbendkerdiş. 16ê Hezîrane de zî 15 rojnamegerî ameyî tepiştiş. Derheqê 18 rojnamgeran de iddianame hetê 4ine Dadgeha Cezaya Giran ra ame amadekerdiş. Do 11ê Temmuze de roniştişê ewilî yê dewaya bi iddiayê "endamîya rêxistine" ameye akerdiş, pê bêro. 

 

Se bibi? 

 

Çarçewaya cipersayîşê Serdozgerîya Komare ya Amedî dabî destpêkerdiş de 8ê Hezîrane de 20 ci ra rojnamegerî 22 kesî amebî destbendkerdiş. 16ê Hezîrane de Mudura Karê Nuşteyî ya JINNEWSî Safîye Alagaş, Hemserekê Komeleya Rojnamegeran ê Dîcle Firatî (DFG) Serdar Altan, Edîtorê Ajansê Mezopotamyayî (MA) Aziz Oruç, Mudurê Karê Nuşteyî yê Rojnameyê Xwebûnî Mehmet Ali Ertaş û rojnameger Zeynel Abidin Bulut, Omer Çelik, Mazlum Dogan Guler, Îbrahim Koyuncu, Neşe Toprak, Elif Ungur, Abdurrahman Oncu, Suat Doguhan, Remziye Temel, Ramazan Geciken, Lezgin Akdeniz û Mehmet Şahin, bi îddiayê "endamîya rêxistine" amebî tepiştiş. 

 

Do roniştişê 11 Temmuze de bêro organîzekerdiş 

 

Bi 10 aşmî yo wareyê cipersayîşê derheqê rojnamegeran de tu averşîyayîş çin o. Rojê vîyarte de îddianameyê derheqê rojnamegeran de yê hetê Serdozgerîya Komare ya Amedî ame amadekerdiş 4ine Dadgeha Cezaya Giran ra ame qebûlkerdiş. Do roniştiş de 15 ci ra tepişteyî 18 rojnamegeran 11ê Temmuze saete 09.00ine de bêro kerdiş. Derheqê Mudura Karê Nuşteyî ya JINNEWSî Safiye Alagaş de hema tu îddianame nêameyo amadekerdiş.