SÊRT - Partîya Çep a Keske qezaya Dihê ya Sêrtî de buroyê weçînayîşî akerd. Hemsereka Pêroyî ya DBPyî Salîha Aydenîze, vat şarê kurdî weçînayîşê 14ê Gulane rê amade yo.

 

Partîya Ameyoxî ya Çep a Keske (Partîya Çep a Keske) botan de geyrê xo yê weçînayîşî dewam kena. Heyet ewro şi Sêrt. Heyeto ke ci de Hemsereka Pêroyî ya Partîya Heremê Demokratîke (DBP) Salîha Aydenîz, Verfekê Partîya Çep a Keske Îbrahîm Akin, Hemserekê Partîya Komelê Demokratîke (KCD) Berdan Ozturk, Serekê Pêroyî yê Partîya Tevgerê Kede (EHP) Hakan Ozturk estbî, beşdarê akerdişê weçînayîşî yê Dihê bî. 

 

Bername taxa Fatîhî de pê ame. Şar bi coşêk pîl bi sloganê, “Ma do serbikewê” û “Jin Jiyan Azadî” kuçe pirr kerdî. Girseyî dimayî heyetî pêşwazî kerd.

 

Hemsereka Pêroyî ya DBPyî Salîha Aydenîz bernameyî de qisey kerd û dîyar kerd ke netîceyê   xoverdayîşê seba 14ê Gulane yê weçînayîşî do Dihê û Sêrtî de dîyar bibo û vat: “Ma nê qerarê şarê Dihê de vînenê û ma bi hêvî yê. Ma do bi yewîye û Tîfaq 14ê Gulane de do zorê nê îqtîdarî bero û serbikewê.  Bi yewîye ma do Kurdîstanê azad bikerê. Şarê kurdî weçînayîşî rê amade yo û cewabê xo da yo. Heta  14ê Gulane de zî xebatê ma dewam bikerê.”

 

Dimayê qiseykerdişan akerdişê buroyî ame kerdiş.