AMED - Partîya Çep a Keske bi akerdişê hîrên ê buroyê weçînayîşî de mesajê "Ma do serewedaritişê Sûrî nêdê xovîrrakerdiş" dayî. 

 

Partîya Çep a Keske akerdişê buroyê weçînayîşî yê bajaran dewam kena. Rêxistina partîye ya Amedî buroyê hîrêne akerd. Namzedê parlamenterîye Ceylan Akça, Serhat Eren, Sorgul Aytek, Cengiz Çandar û xeylêk welatîjî tewr bî. Vernîya akerdişî govende ameye gêrayîş.

 

‘Ma do serewedaritişê Sûrî nêdê xovîrrakerdiş’

 

Destpêk de Hemserekê HDPyî yê Amedî Zeyyat Ceylanî qisey kerd û wina vat: "Ma her metrekareyê Sûrî ra hayîdar ê. Ma talankerdişê Sûrî û canê ke ameyê qetilkerdiş xo vîr ra nêkenê. Ma do serewedaritişê Sûrî nêdê xovîrrakerdiş." A mabêne de sloganê "Biciwîyo xoverdayîşê Sûrî" ame berzkerdiş. 

 

‘Do hêvî nêqedîyo’

 

Namzeda parlamenterî ya Partîya Çep a Keske Sorgul Ayteke wina vat: "Têkoşînê Kurdistanî bi se serran o dewam keno. Do hêvîya ma tu wext peynî nêbo. Na partî partîya kurdan a. Ma ganî tu wext  fek sindoqan ra vera nêdê.”

 

Namzedo bîn Serhat Erenî zî da zanayîş ke weçînayîşê 14ê Gulane krîtîk û tarîxî yo û wina vat: "Bi hezaran merdimê ma bi hawayêk bêhuqûq rehîn yenê girewtiş. Ma do 14ê Gulane de înan azad bikerê. 14ê Gulane roja hesabpersayîşê kesê keye, dewî û Sûr veşênayî.” Polîsan mudaxaleyê vatişê "Birêz Ocalan ganî rolê xo kay bikero" kerd. Hemverê nê de sloganê, "Biciwîyo Serek Apo" ame berzkerdiş. 

 

Namzedê Partîya Çep a Keske Rojnameger Cengiz Çandar dîyar kerd ke ê do vajê azadî pîroz bo û vat, ma do seba meseleyê kurdî 14ê gulane de vajê reyna ma reyna ma.

 

Dimayê qiseykerdişî bi tewrbîyayîşê Dayîkê Aştîye buro ame akerdiş. Bi çepik, tilîlî, govende buro ame akerdiş û vilawikî ameyî vilakerdiş.

 

Şarî eleqeyêk pîl Meydanê Berê Koyî de vera namzedan mojna û do namzedî şêrê Peyas de serdayîşê esnafan bikerê.