Şehrîban Aslan

 

AMED - Îddîanameyê derheqê 22 kesan ke ci ra 16 kesî rojnamegerî û 10 aşme yo zîndan de tepişte yê, ame hadrekerdiş hetê 4ine Mehkemaya Cezaya Girane ya Amedî ra ame qebulkerdiş.

 

Çarçeweya tehqîqatê Serdozgerîya Komare ya Amedî de 8ê Hezîrana 2022yî de 20ê ci rojnameger pêro pîya 22 kesî ameybî destbendkerdiş. Rojnamegerê ke ameybî destbendkerdiş mîyan de Mudira Karê Nuşteyî ya Ajansê ma JINNEWSî Safîye Alagaş, Hemserekê Komeleya Rojnamegeran ya Dîcle Firatî Serdar Altan, Edîtorê Ajansê Mezopotamya (MA) Azîz Oruç, Mudirê Karê Nuştişî yê Rojnameyê Xwebûnî Mehmet Alî Ertaş û rojnameger Zeynel Abîdîn Bulut, Omer Çelîk, Mazlum Dogar Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remzîye Temel, Ramazan Geçîken, Lezgîn Akdenîz û Mehmet Şahînî 16ê Hezîrana 2022yî de bi îdayê "endamtîya rêxistine" ameybî tepiştiş.

 

Îddaname ame qebûlkerdiş

 

Pêwa ke 10 aşmî yo cipersayîş de tu averşîyayîş nêvirazîya, hewteyê vîyarte de hetê Serdozgerîya Komare ya Amedî ra amebî dîyarkerdiş ke derheqê rojnamegeran de îddîaname ameyo amadekerdiş, 4ine Dadgeha Cezaya Giran ya Amedî ra ameyo şirawitiş û sewîyeya cigêrayîşî de yo. Sewbîna amebi dîyarkerdiş ke dimayê îddîaname bêro qebûlkerdiş do rewşa rojnamegeran newe ra bêro ercnayîş û do tarîxê roniştişî bêro dîyarkerdiş.

 

Ame dîyarkerdiş ke îddîaname ameyo qebûlkerdiş û tarîxê roniştişî û qerarê bînî yê derheqê îddîanameyî de do dima rê bêrê eşkerakerdiş.