MERKEZÊ XEBERAN - Kongreya Komelê Demokratîke ya Kurdistanî ya Ewropa (KCDK-E) seba rayraşîyayîşê 15ê Nîsane ya bajarê Dusseldorfî yê Almanya veng da ke her kes bi ‘rihê seferberîye’ tewrê rayraşîyayişî bibî.

 

KCDK-E bi eşkeryîyêke venga pêro kurdîstanijan û dostanê înan da ke 15ê nîsane de bi ruhê seferberî tewrê rayraşîyayişê Dusseldorfî yê Almanya bibê.

Eşkerayîya KCDK-Eyî de ame vatiş ke şar vîşêrê Dusseldorfî sewbîna do bajarê bînî yê Ewropa de zî rayraşîyayîş û mîtîngî bêrî darvistiş.

 

Eşkerayîye de ame parekerdene ke dewleta tirke û hêzê komplogerî 24 serrî yo vera Rayberê PKKyî Abdullah Ocalanî, şarê kurdî û têkoşînê azadîye hêrişê qirkerdişî kenê. Eşkerayîye de ame parekerdene ke hînî tehamulê kurdan tecrîdî rê nêmemdo û azadîya Ocalanî armancê înan o verên o.

 

Ame resnayîş ke tecrîdê serê Ocalanî qaseyo ke vera rayraşîyayîşê azadîye ya şarê Kurdî yo, eynî wextî de tersê hêz û tesîrê ci yê fikrî yê serê şarê Rojhelatê Mîyanenî û dinya yo.

 

Eşkerayîye de veng ame kerdiş ke seba çinkerdişê kolonyalîzmê dewleta tirke û faşîzmê AKP-MHPyî, seba caardişê azadîya Ocalanî û caardişê statuyê Kurdistanî ganî her kes seba çalakîyanê 15ê Nîsane seferber bibê.

 

KCDK-E vat: “Seba tecrîdo ke kewto serra 25î êdî tehemmulê ma nêmendo. Ma azadîya Rayber Apoyî seba xo kerdo amacê xo yê esasî yê cuye. Seba çinkerdişê kolonyalîzmê dewleta tirke û faşîzmê AKP-MHPyî, seba caardişê azadîya Ocalanî û caardişê statuyê Kurdistanî ganî her kes seba çalakîyanê 15ê nîsane seferber bibê. Eşkerayîye de ame vîrvistene ke 15ê Nîsane de sere de Dusseldorf de xeylêk cayan de rayraşîyayîş û mîtîngî do bêrê kerdene. Ma venga pêro kurdîstanijan û dostanê înan danê ke 15ê nîsane de bi ruhê seferberî tewrê rayraşîyayîş û mîtîngan bibê.''

 

Eşkerayîye de ame vîr vistiş ke 15ê Nîsane de bi beşdarîya Almanya, Vakurê Fransa, Swîsre, Belçîka û Hollandaye do bajarê Dusseldorfî yê Almanya de rayraşîyayîşêk merkezî bêro viraştiş. Bi beşdarîya  Başûrê Fransaye Marsîlyaye, sewbîna Norwêc, Fînlandiya, Swêd, Stockholm, Goteborg, Kanada, Awustralya, Qibris, Îngilistan, Awusturya, Îtalya û Yewnanistanî ra seba azadîya Rayberê PKKyî Abdullah Ocalanî do rayraşîyayîş bêrî viraştiş.”