ANQARA - Partîya Çep a Keske danasnayîşê namzedanê parlementeranê xo yê seba weçînayîşê 14ê Gulane kerd. 

 

Partîya Çep a Keske danasnayîşê namzedanê parlamenterîye kena. Lansmanê danasnayîşî Merkezê Pêroyî yê Odaya Muhendisanê Înşaetî de ame organîzekerdiş. Hemverfekê Pêroyî yê Partîya Çep a Keske Çîgdem Kiliçgun Ûçar û Îbrahîm Akin, Hemserekê Pêroyî yê HDPyî Pervîn Bûldan û Mîthat Sancar, temsîlkarê partîyê Tifaqê Ked û Azadîye de ca gênê û rêxistinê sivîlî merasîmê danasnayîşî de ca girewtî.

 

Pankartê slganê weçînayîşê “Dîsa em” û “Dîsa jin, dîsa jiyan” salone de ameyî daliqnayîş.

 

Vernîya qiseykerdişê hemserekan Koma Repî Kejoo, Reqso û Roni Artin deyîra seba Partîya Çep a Keske dayî nasnayîş.

 

Dimayê qiseykerdişan parlamenterê serdemê 27ine seba serê sahne ameyî dawetkerdiş û seba xebatê înan sipasîya înan ame kerdiş. Dima ra zî namzedê parlamenterîye yê serdemê 28ine ameyî naskerdiş.

 

Bername bi mesajê "Ma tîya yê, ma do serbikewê" peynî bi.